Кыттыыны ыллылар нэһилиэк түөлбэлэрин бастыҥ ахтыыбынай уолаттара.
Конкурсу сыаналаатылар Валентина Викторовна Лугинова -Бэйдиҥэ орто оскуолатын алын сүһүөх кылаас учуутала, Туйма түөлбэ олохтооҕо, Римма Дмитриевна Маркова - Бэйдиҥэ орто оскуолатын учуутала, Сайылык түөлбэ олохтооҕо уонна Пелагея Михайловна Неустроева - Бэйдиҥэтээҕи "Уйгу" маҕаһыын атыылааччыта, Кэскил түөлбэ олохтооҕо.
Конкурска кытыннылар барыта 4 уол. Бастаан уустаан-ураннаан бэйэлэрин билиһиннэрдилэр, талааннарыгар ыллаатылар, үҥкүүлээтилэр, КВН-тан да көрдөрдүлэр. Онтон үһүс түһүмэххэ дьиэҕэ сорудах этэ, оҥоһук оҥорон аҕалыы диэн. Онно эмиэ уолаттар сүрдээх илиилэригэр талааннаахтарын көрдөрдүлэр. Төрдүс түһүмэх боппуруостарга эппиэт уонна бүтэһик түһүмэхпитин спортивнай көрүҥүнэн түмүктэннэ. Быыһыгар музыкальнай эҕэрдэлэринэн киэргэттилэр, сэмэй ырыаларынан Лиана Бочкарева, Саша Попова, Лилия Маркова, Снежана Алексеева, Майя Аржакова уонна Тэтим кыра оҕо үҥкүү бөлөҕө.

Конкурс түмүгүнэн " Талба талаан" анал ааты ылла Валера Андросов, "Уран тарбах" анал ааты ылла Любомир Кычкин, "Өркөн өй" анал ааты ылла Юра Местников уонна "Чэйиҥ эрэ, уолаттар!" конкурс кыайыылааҕынан буолла Касьян Бережнев.

Конкурсу ыытта Майя Иннокентьевна Аржакова. Спонсордарынан буоллулар Сайылык түөлбэ, Туйма түөлбэ, Кэскил түөлбэ. Ону таһынан оҕолор кылаастарын аатыттан эмиэ сэмэй бэлэхтэри тутан үөрүү көтөллөөх дьиэлээбиттэрэ. Муҥутуур кыайыылаахха Өлтөх нэһилиэгин дьаһалтатын бэлэҕэ туттарыллына.