Нэһилиэк делегацията улуус дьаһалтатын, Түүлээхтэн төрүттээх биир дойдулаахтарын, ветераннарын кытта көрсүһүүлэрэ ыытылынна.
Албан аата орденнаахтар галереяларыгар Ленина уул. 46/4 дьиэтигэр алта бойобуой орден кавалера Дмитрий Данилович Оллонов мөссүөнүгэр сибэкки дьөрбөтүн уурдулар.
Олоҥхо дьиэтигэр Өрөгөйдөөх Улуу Кыайыы 75 сылынан «Улуу Кыайыыга – Уус-Алданнар кылааттара!» диэн девиһинэн ыытыллар улуустааҕы фестивальга, Түүлээх нэһилиэгин "Үлэ, Кыайыы үтүө өйдөбүлэ уҕараабатын!" диэн сэрии кэминээҕи олоҕу көрдөрөр быыстапка турда. Күн бүгүн биэс сүүстэн тахса нэһилиэнньэлээх орто оскуолалаах, балыыһалаах, кулууптаах, оҕо уһуйааннаах Уус Алдан кииниттэн хотуглуу илин тайаан сытар 1930 сыллаахтан саҕалаан алдан өрүс үрдүгэр турар Кылаайы бөһүөлэгэр түмсэн сүөһү, сылгы иитиитинэн, булдунан, балыгынан дьарыктанан олорор Түүлээх нэһилиэгэ уорааннаах сэрии сылларыгар хайдах-туох олорбуттарын, ааспыт дьыллар былыттарын арыйан, туман буолбут хонуктары кэпсиир стендэ уонна мультимедиа көмөтүнэн көрдөрдүлэр.
Быыстапка матырыйаалын хомуйан оҥордулар – Туяра Ушницкая, Светлана Саввина, Июлия Охлопкова, Любовь Волкова
"Ааспыт кэм аартыктарынан, урукку кэм суолларынан...” театрализованнай дьүһүйүү көрдөрдүлэр.