Өспөхтөр быыстапка уонна олохтоохтор кыттыылаах уус-уран туруорууну сыанаҕа көрдөрдүлэр. Быыстапка түгэннэрэ хаартыскаларга, манна бааллар сэриигэ суорума суолламмыт эдэркээн ини - бии Михаил уонна Захар Сивцевтэр фронтан суруктара, сэрии толоонуттан кэлбит снаряд дьааһыга (дьааһыкка 1941 диэн оҥоһуллубут сыла суруллубут), альбомнар, хаһыаттар, оччотооҕу бэчээт уонна туос тууйас, бу иһит таабырына билигин да таайылла илик эбит. Анныгар инициаллар, буукубалар уонна 1944 диэн быһыллан суруллубут, иһит сэрииттэн кэлбитэ биллэр, ол эрэн хантан, ким киэнэ буолара биллибэт.

Ону таһынан, нэһилиэк сэрии кэминээҕи олоҕун сырдатар "Өлбөт сүппэт Өспөхпүт дьоно" диэн уус-уран туруорууну көрдөрдүлэр. Манна Өспөх олохтоохторо кыратыттан кырдьаҕаһыгар тиийэ биир тыынынан олус итэҕэтиилээхтик оонньоон көрдөрдүлэр.