Баягантайский наслег
Кини Дьокуускай куоракка учуутал үөрэҕэр үөрэммит. 1933 сыллаахха төрөөбүт дойдутугар кэлэн, Гавриил Васильевич Егоров туттарбыт оскуолатыгар үлэлээбит. Оскуолаҕа учууталлыырын таһынан, ликпууҥҥа улахан Дьону эмиэ ааҕарга, суруйарга үөрэппит.
1943 сыллаахха бэс ыйыгар Аҕа дойдуну көмүскүүр сэриигэ барбыт. 1946 сыллаахха сэрииттэн эргиллэн кэлбит. 1948 сыллаахха ыалдьан өлбүт. Кини кэргэнинээн Елена Степановналыын алта оҕону төрөтөн, иитэн киһи-хара оҥорбуттар.
Иннокентий Ильич «Японияны Кыайыы ийин!» , Аҕа дойду сэриитин 1941 -1945 сс. килбиэннээх улэтин иһин!” мэтээллэринэн наҕараадаламмыт .
Заболоцкий Валентин Иванович
(1925-19..)
Леонтий Заболоцкай сиэнэ. Аҕата Хончой Уйбаан – (1890 сыллаах төрүөх) Баппат Баhылайы уонна Көстөкүүнү кытта бииргэ төрөөбүт, ийэтэ Харитина – (1894 сыллаах төрүөх). Валентин Иванович сэрииттэн нуучча кэргэннээх хойут эргиллэн кэлбит. Мархаҕа олохсуйан олорбуттар.
Готовцев Иннокентйи Иванович
(1918-1942)
1918 сыллаахха Тандаҕа төрөөбүт, 1942с. Чурапчы ОВК ыңырыллыбыт, сэриигэ өлбүт, Тверскэй уобалас Ржевскэй оройуонугар Колюшкино дэриэбинэтигэр көмүллүбүт.
1922 сыллаахха Тандинскай нэһилиэккэ төрөөбүтэ. Аҕата Андрей Егорович Тааттаттан төрүттээх, ийэтэ Улита Петровна «Сулус» колхозка ферма сэбиэдиссэйинэн үлэлээбитэ, «Хоптолоох» диэн сиргэ олорбуттара. Танда оскуолатыгар үөрэммитэ. Кини 1942 сыл кулун тутар 11 күнүгэр ыыппыт суругар эдэр киһи соҕурууҥҥу улахан куораттары кэрэхсии көрбүтүн суруйбут. Сэриигэ Чурапчы ОВК-нан ыҥырыллыбыт. 1943 сыл тохсунньу 13 күнүгэр өлбүт. Курскай уобалас Озорки дэриэбинэҕэ көмүллүбүт.
1924 сыллаахха Байаҕантай нэһилиэгэр төрөөбүт. Аҕата Василий Леонтьевич, ийэтэ Егорова Татьяна Дмитриевна «Кыһыл Танда» төрүт олохтоохторо. Сайылыктара Баппат өтөҕө, кыстыктара онтон эмиэ олох чугас.Василий Васильевич «Кыһыл Танда» колхозка хонуу үлэһитэ этэ. 1967 сыллаахха ыалдьан өлбүт.Кэргэнэ Софья Афанасьевна Николаевалыын 6 оҕоломмуттар. Аҕалара эдэригэр суох буолтун кэннэ быраата уонна балтылара үлэһит дьон буолалларыгар убайдара Афанасий Васильевич күүс-көмө буолбут.
Страница 1 из 16