Халдеев Николай Ермолаевич (1900-1942)

     1900 сыллаахха 2-Суотту нэһилиэгэр быстар дьадаҥы кэргэҥҥэ төрөөбүтэ. Оҕо сааһыттан баайдарга хамначчытынан сылдьыбыта. Үлэни кыайыгаһынан аатырара, ордук баһымньынан сири солооһуҥҥа кыайыылаах үлэһитэ биллибитэ. 1931 сыллаахха «Саҥа суол» колхуоска киирбитэ. Кинини корейдарга сыһыаран, оҕуруот үлэтигэр 2 сыл үөрэттэрэн, колхозка оҕуруоччутунан анаабыттара. Оҕуруот үлэтин табыгастаахтык салайан, кэккэ сылларга үрдүк үүнүүнү ылан, оройуон 1934-36 сс. ыытыллыбыт оҕуруоччуттар быыстапкаларыгар 1-кы миэстэни ылбыта, «Оройуон бастыҥ оҕуруоччута» аат иҥэриллибитэ. Кини үүннэрбит хаппыыстата, хортуоппуйа уонна атын астара оччотооҕу колхоз ылар дохуотун биллэрдик үрдэппитэ. 1932 сыллаахха үлэ ударнига буолбута, үрдүк таһаарыылаах үлэтин иһин оройуон, колхоз сыаналаах бэлэхтэринэн хас да төгүл наҕараадаламмыта. Сэриигэ Чурапчы военкоматынан ыҥырыллыбыта. 55-с стрелковай дивизия 107-с стрелковай полкатын стрелога Орловскай уобаласка сэриилэһэ сылдьан 1942 сыллаахха алтынньы 5 күнүгэр (15.01.43 с.) өлбүтэ. Көмүллүбүт сирэ биллибэт. («Память! т.З с.285. «Уоттаах сэрии сылларыгар»). Соҕотох уола Халдеев Николай Николаевич идэтинэн тимир ууһа, Тумулга олорор, 1 уоллаах, 3 кыыстаах.