Алексеев Прокопий Иванович (1925-1977)

     1925 сыллаахха Сыҥаах нэһилиэгэр төрөөбүтэ. Суотту Сыһыытын начальнай оскуолатын бүтэрбитэ. Ворошилов аатынан колхоз чилиэнэ. 1943 сыллаахха сэриигэ ыҥырыллан, Маньчжурияҕа строительнай батальоҥҥа сулууспалаабыт, Японияны кытта сэрии кыттыылааҕа.

     1946 сыллаахха сэрииттэн босхоломмут. Сэрииттэн эргиллэн кэлэн баран салгыы колхоһугар үлэлээн барбыт. 1950-57 сс. колхоз сыыппаратыгар Нам оройуонугар Түбэҕэ булчутунан сылдьыбыт. Дойдутугар төннөн кэлэн колхоз, совхоз үлэтигэр күүһэ кыайарынан үлэлээбитэ. «Германияны кыайыы иһин», «Японияны кыайыы иһин» мэтээллэринэн наҕараадаламмыт. 1977 сыллаахха сүрэҕинэн ыалдьан өлбүт. Кэргэнэ Анна Егоровна Дьяконовалыын 3 оҕолоох. Дьокуускайга, Сунтаарга, Тумулга олороллор.