:
Дата и место рождения :
  • 1910,
Дата и место призыва:
  • 1941, Мегино-Кангаласская ОВК
Место службы: Западный фронт
Дата выбытия: 1942
Звание в котором закончил войну: Рядовой
Причина выбытия: Убит
Первичное место захоронения: Ленинградская область

ЕРМОЛАЕВ ИВАН ФИЛИППОВИЧ (1910-1942)

1910 сыллаахха төрөөбүт. Кэргэнэ Ермолаева (Федосеева) Елена Степановналыын «Бэс Үрэх» колхоз колхозтаахтара. Икки кылаас үөрэхтээх. Сэриигэ барыар диэри колхоз араас үлэтигэр үлэлээбит.

1941 сыллаахха окко үлэлии сылдьан бастакы хомуурга түбэһэн сэриигэ барбыт. Кинини кытта бииргэ ыҥырыллан барбыттар: Ермолаев Наум Васильевич, Ермолаев Егор Андреевич, Винокуров Иван Николаевич. Сэриигэ баралларыгар колхоз биир сүөһүнү өлөрөн өйүө оҥорон атаарбыт.

Иван Филиппович 22-с СД рядовойа, Мэҥэ-Хаҥалас оройуонун байыаннай комиссариатынан сэриигэ ыҥырыллыбыт. 1942 сыллаахха сэрии толоонугар охтубут. Ленинградскай уобалас сиригэр көмүллүбүт диэн «Өйдөбүнньүк» кинигэҕэ суруллубут.

Төрөппүт кыыһа Ермолаева Анастасия Ивановна Оконешников Илья Петрович диэн киһиэхэ кэргэн тахсан биир кыыс, түөрт уол оҕолору төрөппүттэр. Билигин Анастасия Ивановна Курбуһахха бочуоттаах сынньалаҥҥа олорор. Хорсун буойун олоҕун 5 сиэнэ, 16 хос сиэнэ уонна 2 хос-хос сиэнэ салгыыллар.