Ольтехский наслег

Татаринов Михаил Петрович

(1922-1987)

1922 сыллаахха Петр Федорович уонна Екатерина  Татариновтар дьиэ кэргэттэригэр төрдүс оҕонон төрөөбүт. Дойдутуттан тэйбэккэ үлэлии сылдьан 1942 сыллаахха сэриигэ ыҥырыллан противотанковай стрелок быһыытынан Японияны кытта сэриилэспит. 1943 сыллаахха фроҥҥа Коммунистическай партия кэккэтигэр киирбит. 1946 сыллаахха дойдутугар эргиллэн кэлбит.

1947 сыллаахха Түүлээх нэһилиэгиттэн төрүттээх Афанасьева Варвара Егоровнаны кэргэн ылбыт, 6 оҕоломмуттар. Сэрии кэнниттэн Бороҕоҥҥо пекарня сэбиэдиссэйинэн, интернат завхоһунан, райкомҥа техүлэһитинэн үлэлээбит.

«Японияны кыайыы иһин», юбилейнай мэтээллэринэн, Аҕа дойду сэриитин II степеннээх орденынан наҕараадаламмыт.

Сивцев Лазарь Дмитриевич

(1926-1968)

1926 сыллаахха II Бэрт-Ууһун нэһилиэгэр төрөөбүт.

1944 сыллаахха Японияны кытта сэриигэ барбыт. Дойдутугар 1950 сыллаахха эргиллэн кэлэн баран комсомольскай путевканан Саһылыкааҥҥа библиотекарынан үлэлии барбыт. 1951 сыл дойдутугар төннөн кэлэн баран Дьокуускайга суоппар куурсугар үөрэммит уонна 1968 сылга оһолго түбэһэн өлүөр диэри идэтинэн үлэлээбит.

1951 сыл тохсунньу 20 күнүгэр кэргэнинээн Марфа Алексеевналыын ыал буолбуттар, 5 оҕоломмуттар.

ОХЛОПКОВ Василий Григорьевич

(1899-1951)

1899 сыллаахха II Бэрт-Ууһун нэһилиэгэр дьадаҥы кэргэҥҥэ төрөөбүт. Дьоно революция иннинэ уонна колхозтар тэриллиэхтэригэр диэри бэйэлэрэ бас билэр кыра хаһаайыстыбалаах олорбуттара, өтөхтөрүн тула кыра солооһун солоон бурдук ыһаллара. Василий оскуолаҕа олох хойут үөрэнэ киирбитэ. Аймахтарыгар Якутскай куоракка киирэн үөрэнэн 1928 сыллаахха Дьокуускай куоракка 7 кылааһы бүтэрбит. Үөрэнэр кэмигэр промкомбинакка үлэлээбит. Идэтинэн столяр, 6-с разрядтаах уус.

1943 сыл от ыйын 2 күнүгэр Дьокуускай куораттан ыҥырыллан сэриигэ барбыт. I  Украинскай фроҥҥа 956-с батальоҥҥа связист быһыытынан сэриилэспит. 1944 сыллаахха чэпчэкитик бааһыран госпитальга сытан баран төттөрү чааһыгар төннүбүт.

Сэрииттэн эргиллэн кэлэн баран Уус-Алдан улууһугар «Кыһыл кэккэ» колхозка үлэлээбит.

Кэргэнинээн Охлопкова Мария Михайловналыын кыыстаах уол оҕоломмуттар.

“Берлины ылыы иһин”, “Германияны Кыайыы иһин”, “1941-1945 сс. килбиэннээх үлэтин иһин” мэтээллэринэн наҕараадаламмыт, Кыһыл Сулус орден кавалера.

Данилов Иван Егорович

(1922-1944)

1922 сыллаахха II Өлтөх нэһилиэгэр төрөөбүт.

Иван Егорович 1942 сыл от ыйын 27 күнүгэр Чурапчы ОВК-н ыҥырыллыбыт, рядовой, 1944 сыл олунньу 7 күнүгэр сэриигэ сураҕа суох сүппүт.


ТЕРЕНТЬЕВ Иван Иванович (1924-1998)

1924 сыллаахха сэтинньи 7 күнүгэр I Өлтөх нэһилиэгэр Иван Иванович, Мария Никоновна Терентьевтэр дьиэ-кэргэттэригэр төрөөбүт. 1939 сыллаахха Орто-Эбэ 7 кылаастаах оскуолатын бүтэрбит. 1941 сыллаахха диэри I Өлтөх “Коммуна суола” колхозка үлэлээбит. Онтон үөрэнэн оһохчут идэтин ылан 1943 сылга диэри Дьокуускайга үлэлээбит.

1944    сыллаахха Чурапчы ОВК-нан ыҥырыллыбыт. Иркутскай уобаласка байыаннай үөрэххэ үөрэнэн, Монголияҕа 193-с полкаҕа 53-с дивизияҕа снайпер быһыытынан сулууспалаабыт. 1945 сыллаахха атырдьах ыйыгар Японияны утары сэриигэ противотан- ковай орудие командирынан сылдьыбыт. Ол кэннитгэн Кытайы босхолооһуҥҥа кыттыбыт. 1945 сыллаахха Порт-Артурга АХШ сэриилэригэр кыттыһан Хотугу Кореяны босхолоспут.

1950 сыллаахха демобилизацияланан баран Доннааҕы Ростовка пожарнай охранаҕа, 1953 сыллаахтан участковай уполномоченнайынан үлэлээбит. 1955 сыллаахха Верхоянскайга Эһэ Хайаҕа, Баатаҕайга уполномоченнайдаабыт. Онтон Булуҥҥа кэлэн, Тумат нэһилиэгэр колхуос солбуйар председателинэн үлэлии сылдьан Стрекаловская Татьяна Михайловна- лыын холбоһоннор 4 оҕоломмуттар.

1973 сыллаахха Орто-Эбэҕэ көһөн кэлэн оскуолаҕа завхоһунан, кочегарынан үлэлээбит. 1950 сылтан ССКП чилиэнэ.

Аҕа дойду сэриитин II степеннээх орденын кавалера, Жуков, юбилейнай мэтээллэринэн наҕараадаламмыт.


ТАТАРИНОВ Петр Федорович (1912-1973)

1912 сыллаахха I Өлтөх нэһилиэгэр Бырыы Күөлгэ Дүөдэҕэ Татаринов Федор Николаевич дьиэ-кэргэнигэр төрөөбүт.

Забайкальскай байыаннай уокурук резервнэй сэриилэрин састаабыгар сылдьыбыт. Япония Квантунскай армиятын утары Хайлар куорат туһаайыытынан сэриилэһэн Маньчжурияҕа тиийбит.

«Лена» совхозка тутууга үлэлээбит. Алексеева Мария Дмитриевна диэн биир оҕолоох огдообо дьахтары кэргэн ылбыт, оҕоломмотохтор.

«Германияны кыайыы иһин» мэтээллээх.