Курбуһах нэһилиэгэ
«Коммунизм» колхозтан
Гоголев Афанасий Андреевич
1910 (1916) сыллаахха Бэрт-Ууһун нэһилиэгэр тɵрɵɵбʏт. Олорбут сирэ Нэлимдьэ, Сутуруолаах. Оскуолаҕа ʏɵрэммэтэх. 1942 сыл бэс ыйыгар Дьокуускайдааҕы холбоһук байыаннай комиссариатынан ыӊырыллыбыт. 1944 сыл олунньу ыйга сэриилэһэ сылдьан ɵлбʏт. Кɵмʏллʏбʏт сирэ биллибэт.
Местников Семен Иванович
1905 сыллаахха тɵрɵɵбʏт. 1942 сыллаахха армияҕа барбыт. Охсуһуу толоонугар охтубут. Кɵмʏллʏбʏт сирэ биллибэт.
Пухов Гаврил Петрович
1913 сыллаахха тɵрɵɵбʏт. Чурапчы оройуонун байыаннай комиссариатынан ыӊырыллан армияҕа барбыт. 1943 сыл сэтинньи ыйга сэриигэ ɵлбʏт. Кɵмʏллʏбʏт сирэ биллибэт.
Пухов Лаврентий Михайлович
1918 сыллаахха Дььаарыӊӊа тɵрɵɵбʏт. Сэттэ кылаас ʏɵрэхтээх. Дьокуускайга финансовай техникумӊа ʏɵрэммит. Токо оройуонугар ʏлэлээбит. 1941 сыл бэс ыйын 17 кʏнʏгэр сэриигэ ыӊырыллыбыт, 1942 сыллаахха сураҕа суох сʏппʏт.
Пухов Михаил Николаевич
1916 сыллаахха Дьаарыӊӊа тɵрɵɵбʏт. Сэрии иннинэ «Коммунизм» колхозка ʏлэлээбит. 1941 сыллаахха сэриигэ барбыт. 1942 сыллаахха сэрии толоонугар охтубут. Кɵмʏллʏбʏт сирэ биллибэт.
Пухов Михаил Михайлович
1906 сыллаахха Дьаарыӊӊа Кɵтɵт диэн сиргэ тɵрɵɵбʏт. Сэрии иннинэ «Коммунизм» колхозка биригэдьииринэн, ферма сэбиэдиссэйинэн ʏтʏɵ суобастаахтык ʏлэлээбит. 1942 сыллаахха сэриигэ барбыт уонна бу сыл сэтинньи ыйга ɵлбʏт. Кɵмʏллʏбʏт сирэ биллибэт.
Пухов Николай Емельянович
1913 сыллаахха Дьаарыӊӊа тɵрɵɵбʏт. 1930 сыллаахха Курбуһах советыгар секретарынан ʏлэлээбит уонна ол кэмӊэ ликпууӊӊа ʏɵрэҕэ суохтары ʏɵрэппит. 1934-1935 сылларга Ворошилов аатынан колхозка председателинэн уонна 1936-1938 сылларга оройуон Советыгар секретарынан ʏлэлээбит. 1939-1941 сылларга мясопром директорынан ʏлэлии олорон Кыһыл Армия кэккэтигэр ыӊырыллан фроӊӊа барбыт. 1944 сыллаахха ɵлбʏтʏн туһунан биллэрии кэлбит.
Федосеев Иван Максимович
1918 сыллаахха Дьаарыӊӊа тɵрɵɵбʏт. Арҕаа фроӊӊа сэриилэспит. Сэрии кэнниттэн Бороҕоӊӊо, Дьокуускайга олорбут, ʏлэлээбит. Кɵмʏс уӊуоҕа Дьаарыӊӊа хараллыбыт.
«Толоон Эбэ» колхозтан
Аммосов Василий Алексеевич I
1920 сыллаахха тɵрɵɵбʏт. 1942 сыл атырдьах ыйын 18 кʏнʏгэр II-с Курбуһахтан сэриигэ барбыт. Атырдьах ыйын 18 кʏнʏгэр 1944 сыллаахха ɵлбʏт, кɵмʏллʏбʏт сирэ биллибэт.
Аммосов Василий Васильевич
1910 сыллаахха Толоон Эбэҕэ тɵрɵɵбʏт. Сэттэ кылааһы Тандаҕа бʏтэрбит уонна Дьокуускайга педтехникумӊа ʏɵрэнэн учуутал идэтин ылан Тандаҕа тахсан учууталлаабыт. Маӊнайгы хомуурга ыӊырыллан сэриигэ барбыт. 1943 сыллаахха Сталинград аннынааҕы сэриигэ ɵлбʏт, кɵмʏллʏбʏт сирэ биллибэт.
Аммосов Дмитрий Васильевич
1919 сыллаахха Толоон Эбэҕэ тɵрɵɵбʏт. Ƴɵрэхтээх, ʏлэһит бэрдэ киһи 1939-1940 сылларга «Толоон Эбэ» колхозка председателинэн ʏлэлээбит. 1941 сыллаахха маӊнайгы хомуурга ыӊырыллан сэриигэ барбыт. 1943 сыллаахха сэриигэ ɵлбʏт.
Аммосов Иван Егорович
1920 сыллаахха тɵрɵɵбʏт. Оскуолаҕа 7 кылааһы бʏтэрбит. Армияҕа барбыт уонна 1944 сыл ыам ыйыгар сэриигэ ɵлбʏт. Ханна кɵмʏллʏбʏтэ биллибэт.
Бурнашев Егор Анемподистович
1915 сыллаахха тɵрɵɵбʏт. Армияҕа барыар дылы «Толоон Эбэ» колхозка хонуу биригэдьииринэн ʏлэлээбит. 1942 сыллаахха фроӊӊа барбыт. 1944 сыл тохсунньу ыйга сэрии хонуутугар охтубут, кɵмʏллʏбʏт сирэ биллибэт.
Бурнашев Федор Николаевич
1905 сыллаахха Халыптаах алааска тɵрɵɵбʏт. Ликбезкэ ʏɵрэнэн ааҕар, суруйар буолбут. 1942 сыллаахха биригэдьииринэн ʏлэлии олорон сэриигэ барбыт уонна 1944 сыл атырдьах ыйыгар сэриилэһэ сылдьан ɵлбʏт. Кɵмʏллʏбʏт сирэ биллибэт.
«Октябрь» колхозтан
Аммосов Илья Николаевич
1917 сыллаахха тɵрɵɵбʏт. Уус-Кʏɵлʏн сэттэ кылаастаах оскуолатын ударнигынан бʏтэрбит. 1936-1939 сылларга Дьокуускай куоракка кооперативнай техникумӊа ʏɵрэммит. 1939 сылтан Кыһыл Армия кэккэтигэр сулууспалаабыт. Забайкальскай байыаннай уокурукка байыаннай специалистары бэлэмниир курска ʏɵрэнэн кадровай байыаннай буолбут. Сэрии бастакы кэмигэр Дальнай Востокка кɵмʏскэнэр тутуулары тутууга сылдьыбыт. Онтон 1941 сыллаахха Прибалтикаҕа Каунас куоракка илдьибиттэр, манна 101 N-дээх часка сэриилэспит, 1944 сыл атырдьах ыйыгар ɵлбʏт. Кɵмʏллʏбʏт сирэ биллибэт.
Аммосов Николай Иванович
1918 сыллаахха тɵрɵɵбʏт. 1942 сыллаахха сэриигэ барбыт. 1944 сыл муус устар ыйга сэрии толоонугар охтубут. Кɵмʏллʏбʏт сирэ биллибэт.
Аммосов Николай Никитич
1898 (1905) сыллаахха Энньэкэйгэ тɵрɵɵбʏт. Кини бастыӊ от оҕустарааччы, тутааччы, ʏчʏгэй мас ууһа уонна маляр. 1940 сыллаахха Бороҕоӊӊо райпромкомбинаты тэрийиигэ «Октябрь» колхозтан талыллан ʏлэлии киирбит. 1941 сыллаахха сэриигэ барбыт. 1944 сыллаахха сэриигэ ɵлбʏт. Кɵмʏллʏбʏт сирэ биллибэт.
Аммосов Спиридон Михайлович
1918 сыллаахха тɵрɵɵбʏт. Танда оскуолатыгар ʏɵрэнэн 6 кылааһы бʏтэрбит. Партия чилиэнэ. 1942 сыл бэс ыйын 7 кʏнʏгэр сэриигэ барбыт. Кɵмʏллʏбʏт сирэ биллибэт.
Бурнашев Егор Петрович
1921 сыллаахха тɵрɵɵбʏт. Танда оскуолатыгар ʏɵрэнэн 7 кылааһы бʏтэрбит. Колхоз биир тутаах ʏлэһитинэн биллэрэ. Фроӊӊа 1942 сыл балаҕан ыйын 29 кʏнʏгэр ыӊырыллан барбыт. 1942 сыллаахха сураҕа суох сʏппʏт.
Окоемов Семен Афанасьевич
1920 сыллаахха Кʏɵрʏмэ алааска тɵрɵɵбʏт. Уус-Кʏɵл оскуолатыгар ʏɵрэнэн 7 кылааһы бʏтэрбит. Оскуола кэнниттэн «Хамыдал» колхозка биригэдьииринэн, колхоз председэтелинэн, сурук ʏлэтигэр кɵмɵлɵһɵɵччʏнэн ʏлэлээбит. Дьокуускайга тыа хаһаайыстыбатын министерствотыгар ʏлэлээбит. Сэриигэ 1943 сыл бэс ыйыгар ɵлбʏт. Кɵмʏллʏбʏт сирэ биллибэт.
Пестряков Филипп Иванович
1918 сыллаахха Кэссиэ ʏрэҕэ диэн Бахсы сиригэр тɵрɵɵбʏт. Курбуһах оскуолатыгар 7 кылааһы ʏɵрэнэн бʏтэрбит. Сэриигэ 1943 сыл сэтинньи ыйга ɵлбʏт. Кɵмʏллʏбʏт сирэ биллибэт.
Протопопов Егор Иванович
1908 сыллаахха Ньохчоху Тыымпата диэн сиргэ тɵрɵɵбʏт. Кɵмʏстээх Алдан кɵмʏһʏ хостуур промышленноһын «Ударник ʏлэһитэ» диэн ʏлэтин киниискэтигэр суруллубут. 1941 сыллаахха сэриигэ барбыт. Сэриигэ 1942 сыллаахха ɵлбʏт. Кɵмʏллʏбʏт сирэ биллибэт.
Протопопов Иннокентий Петрович
1918 сыллаахха Уоһук Эбэтигэр тɵрɵɵбʏт. Курбуһах 7 кылаастаах оскуолатын бʏтэрбит. Уус-Алдан оройуонун народнай суутугар секретарынан ʏлэлээбит. Сэриигэ 1942 сыллаахха барбыт уонна 1942 сыл муус устар ыйга геройдуу ɵлбʏт. Кɵмʏллʏбʏт сирэ биллибэт.
«Ньʏɵкʏнʏ» колхозтан
Пухов Афанасий Ваильевич
1915 сыллаахха I-гы Курбуһах нэһилиэгэр тɵрɵɵбʏт. Танда оскуолатыгар 7 кылааһы бʏтэрбит. 1933 сылтан колхозка ʏлэлээбит. 1935-37сс. колхоз аатыттан Алдан кыһыл кɵмʏһʏн хостооһунугар сылдьыбыт. 1939-40 сылларга совет секретарынан, ликбезкэ учууталынан ʏлэлээбит. 1940 сыл кʏһʏнʏгэр Дьокуускайдааҕы тыа хаһаайыстыбатын техникумун агрономическай отделениятыгар ʏɵрэнэ киирбит. 1941 сыллаахха армияҕа барбыт. Хаһан сэриигэ барбыта биллибэт. 1942 сыл ыам ыйын 2 кʏнʏгэр ɵлбʏт. Кɵмʏллʏбʏт сирэ биллибэт.
Пухов Григорий Николаевич
1915 сыллаахха тɵрɵɵбʏт. Ƴɵрэхтээх. 1939 сылтан ССКП чилиэнэ. 1941 сылга бастакы хомуурга сэриигэ барбыт. Бааһыран госпитальга киирбит, онтон ʏтʏɵрбэккэ 1942 сыллаахха от ыйыгар дойдутугар кэлбит. Атырдьах ыйыгар ɵлбʏт.
Пухов Михаил Михайлович
1924 сыллаахха тɵрɵɵбʏт. Уус-Кʏɵлʏн оскуолатыгар 1939 сыллаахха 5 кылааһы ʏɵрэнэн бʏтэрбит. 1945 сыл атырдьах ыйын 9 кʏнʏттэн балаҕан ыйын 30 кʏнʏгэр диэри Японияны утары сэриигэ кыттыбыт. 1947 сылга дойдутугар кэлэн Бороҕоӊӊо райфин отделга бухгалтерынан, биригэдьииринэн, сылгыһытынан ʏлэлээн пенсияҕа тахсыбыт.
Пухов Семен Васильевич
1921 сыллаахха тɵрɵɵбʏт. Начальнай кылаас ʏɵрэхтээх. Колхозка ʏлэлээбит. Японияны кытта сэрии кыттыылааҕа. 1946 сыллаахха алтынньы 22 кʏнʏгэр дойдутугар кэлбит. «Ньʏɵкʏнʏ» колхозка ʏлэлээбит. Сэллик ыарыһах буолан 1971 сыллаахха Быччыылыкка ɵлбʏт.
Пухов Тимофей Николаевич
1918 сыллаахха тɵрɵɵбʏт. «Ньʏɵкʏнʏ» колхозка араас ʏлэҕэ ʏлэлээбит. Онтон куоракка киирэн УРКМ НКВД милиционерынан ʏлэлээбит. 1941 сыллаахха сэриигэ ɵлбʏт. Кɵмʏллʏбʏт сирэ биллибэт.
Пухов Семен Михайлович
1916 сыллаахха тɵрɵɵбʏт. Танда оскуолатыгар 5 кылааһы бʏтэрбит. 1935-36 сылларга оройуоӊӊа баар колхоз секциятыгар секретардаабыт. Онтон сэрии буолуор диэри «Ньʏɵкʏнʏ» колхозка суоччутунан, ферма сэбиэдиссэйинэн ʏлэлээбит. 1941 сылга атырдьах ыйын 11 кʏнʏгэр сэриигэ аттаммыт. 1943 сыл бʏтʏʏтэ тɵннɵн кэлбит. Суоччуттар курстарыгар ʏɵрэммит. Суоччуунан, бухгалтерынан, председателинэн «Ньʏɵкʏнʏ», Буденнай, Булганин ааттарынан, «Победа» колхозтарга ʏлэлээбит. 1961-1966 сылларга эргиэн систематыгар атыылааччынан, Суотту сельпотугар председателинэн, 1966 сылтан, ʏс сыл устата Курбуһах интернат-оскуолатыгар остолобуой сэбиэдиссэйинэн, 19969 сылтан 1976 сылга дэри оройуоннааҕы бытовой комбинакка, Мʏрʏ 8-с кылаастаах оскуолатыгар завхоһунан, 1977-1988 сылларга Сыырдаахха кочегарынан ʏлэлээбит. 1993 сыллаахха ыалдьан ɵлбʏт.
Трулин Егор Кузьмич
1906 (1908) сыллаахха тɵрɵɵбʏт. 1932 сыллаахха тэриллибит «Сардаӊа» колхозка от-мас, сʏɵһʏ кɵрʏʏтʏгэр ʏлэлээбит. 1942 сыллаахха бэс ыйыгар армияҕа барбыт. 1945 сыллаахха кэлээт урукку колхоһугар ʏлэлээбит. «Дьокуускай» совхозка ɵр кэм устата бастыӊ ньирэй кɵрɵɵччʏнэн, бостуугунан, заправщигынан, кочегарынан ʏтʏɵ суобастаахтык ʏлэлээбит. 84 сааһыгар ыалдьан олохтон туораабыт.
Трулин Михаил Петрович
1918 сыллаахха тɵрɵɵбʏт. Колхоһугар суоччутунан ʏлэлээбит. Сэриигэ 1941 сыллаахха балаҕан ыйын 2 кʏнʏгэр барбыт. Чита куорат Анипиха станциятыгар байыаннай ʏɵрэххэ ʏɵрэммит. 1943 сыл алтынньы ыйга дойдутугар эргиллэн кэлбит уонна Ленин аатынан колхозка суоттаабыт. 1948 сылтан Кэптэнигэ монтерунан, электригинэн ʏлэлээбит. 83 сааһыгар бу дойдуттан барбыт.
Трулин Петр Кузьмич
1910 сыллаахха тɵрɵɵбʏт. Колхоз араас ʏлэтигэр ʏлэлээбит. 1942 сыллаахха сэриигэ барбыт. 1943 сыллаахха дойдутугар бааһыран эргиллэн кэлбит. Сэрииттэн кэлэн баран 1944 сылтан 1947 сылга диэри «Ньʏɵкʏнʏ» колхозка председателинэн ʏлэлээбит. 1967 сыллаахха ыалдьан ɵлбʏт.
Трулин Николай Дмитриевич
1922 сыллаахха тɵрɵɵбʏт. 1942 сыл алтынньы ыйга сулууспалыы барбыт. 1944 сыл ыам ыйыгар сэрии толоонугар охтубут. Кɵмʏллʏбʏт сирэ биллибэт.
Ушницкай Егор Матвеевич
1943 сыллаахха армияҕа ыӊырыллыбыт. Японияны утары сэриигэ сылдьыбыт. Хаһан кэлбитэ, ханна ɵлбʏтэ биллибэт.
Ушницкай Иван Матвеевич
1910 сыллаахха тɵрɵɵбʏт. Тʏɵрт кылаас ʏɵрэхтээх, партия чилиэнэ. 1929 сылтан колхозка ʏлэлээбит. Онтон 1932 сылтан салайар ʏлэҕэ сылдьыбыт. 1936 сылтан 1942 сылга диэри «Ньʏɵкʏнʏ» колхозка председателинэн ʏлэлээбит. 1942 сыл бэс ыйын 22 кʏнʏгэр сэриигэ барбыт. 1943 сыл сэтинньи ыйга кыргыһыы толоонугар охтубут. Кɵмʏллʏбʏт сирэ биллибэт.
Ушницкай Николай Кузьмич
1905 сыллаахха тɵрɵɵбʏт. 1934 сылтан Коммунистическай партия чилиэнэ, кыра ʏɵрэхтээх. 1933-1935 сылларга «Ньʏɵкʏнʏ» колхозка председателинэн ʏлэлээбит. 1943 сыл ыам ыйыгар сэрии хонуутугар охтубут. Кɵмʏллʏбʏт сирэ биллибэт.
Ушницкай Николай Иннокентьевич
1900 сыл сааскы Ньукуолун саҕана Ньʏɵкʏнʏ Мэндиэмэн диэн алааһыгар тɵрɵɵбʏт. 1931 сыллаахха саӊа тэриллибит «Ньʏɵкʏнʏ» колхозка чилиэнинэн киирэн ʏлэлээбит. Ферма сэбиэдиссэйинэн, биригэдьииринэн, кыладьыапсыгынан ʏлэлээбит. 1941 сыл атырдьах ыйын 11 кʏнʏгэр сэриигэ барбыт. Дойдутугар Ньʏɵкʏнʏгэ 1943 сыл тохсунньу 13 кʏнʏгэр кэлбит. 1979 сыллаахха Быччыылыкка олорон ыалдьан ɵлбʏт.
Ховров Александр Дмитриевич
1909 сыллаахха Моххо ʏрэҕэр тɵрɵɵбʏт. 1930 сыллаахха «Кыһыл Танда» колхозка биригэдьииринэн киирбит. 1941 сыллаахха атырдьах ыйын 12 кʏнʏгэр сэриигэ барбыт. 1942 сыллаахха тохсунньу ый 27 кʏнʏгэр Тульскай уобаласка Бабынино диэн дэриэбинэни босхолооһуӊӊа кыргыһыы толоонугар ɵлбʏт.
Ховров Василий Романович
1924 сыллаахха Моххоҕо тɵрɵɵбʏт. Армияҕа 1943 сыл бэс ыйыгар барбыт. 1945 сыллаахха Япония утары сэриигэ барбыт. 1947 сыллаахха кулун тутар ыйга демобилизацияланан дойдутугар кэлбит. Дойдутугар кэлээт милиция отделениятыгар рядовой милиционерынан ʏлэҕэ киирбит. 2004 сыллаахха Бороҕон сэлиэнньэтигэр олорон ыалдьан ɵлбʏт.
Ховров Ксенофонт Евсеевич
1906 сыллаахха тɵрɵɵбʏт. Сэрии иннинэ оройуоӊӊа саӊа МТС тэриллиитигэр трактористаабыт. Онтон райсоюзка атыылааччынан, ыскылаат сэбиэдиссэйинэн ʏлэлээбит. 1941 сыллаахха сэриигэ барбыт. 1941-42 сылларга Москва таһыгар сэриилэспит. Сураҕа суох сʏппʏт. Кɵмʏллʏбʏт сирэ биллибэт.
Молотов аатынан колхозтан
Афанасьев Николай Дмитриевич
1917 сыллаахха Булуӊ оройуонугар Кʏһʏʏргэ тɵрɵɵбʏт. Колхозка араас ʏлэҕэ сылдьыбыт. 1942 сыллаахха Кыһыл Армияҕа барбыт. Москва куорат аннынан сэриигэ кыттыбыт. 1944 сыллаахха дойдутугар инбэлиит буолан кэлбит. Суоппарынан ʏлэлээбит. Онтон 1965 сылтан киномеханигынан ʏлэлээбит. 1973 сыллаахха оһолго ɵлбʏт.
Бурнашев Гаврил Николаевич
1921 сыллаахха тɵрɵɵбʏт. 1942 сыллаахха Мʏрʏ оскуолатыгар 8-с кылааска ʏɵрэнэ сылдьан уурайан, холкуоһугар тахсан кыладьыапсыгынан ʏлэлээбит. 1943 сыллаахха Кыһыл Армияҕа барбыт. 1949 сыллаахха дойдутугар кэлбит уонна колхозка ʏлэлээбит. 2005 сыллаахха ылдьан ɵлбʏт.
Бурнашев Иван Иванович
1910 сыллаахха Курбуһах нэһилиэгэр тɵрɵɵбʏт. 1942 сыллаахха армияҕа барбыт. 1942 сыллаахха Старай Русса таһыгар ɵлбʏт.
Бурнашев Василий Васильевич (Сэрбэкэ)
1917 сыллаахха тɵрɵɵбʏт. Кʏɵттʏк олохтооҕо, атыылааччы буола сылдьыбыт. 1941 сыллаахха армияҕа барбыт. 1942 сыл сэтинньи ыйга сэриилэһэ сылдьан ɵлбʏт. Кɵмʏллʏбʏт сирэ биллибэт.
Бурнашев Василий Нколаевич (Баттайа)
1918 сыллаахха Ƴрэх Кʏɵлэ диэн сиргэ тɵрɵɵбʏт. 7 кылаас ʏɵрэхтээх. Колхоһугар биригэдьииринэн ʏлэлээбит, ликбезкэ учууталлаабыт. 1941 сыллаахха атырдьах ыйын 12 кʏнʏгэр сэриигэ барбыт. 1942 сыллаахха сэрии толоонугар охтубут. Кɵмʏллʏбʏт сирэ биллибэт.
Бурнашев Михаил Алексеевич
1940 сыллаахха Ленинград куоракка А.Н.Островскай аатынан театральнай институтка ʏɵрэнэ барар. 1942 сыл олунньу 23 кʏнʏгэр студеннары Ладожскай кʏɵлʏнэн эвакуацияҕа ыыппыттар. Бэрт уһун сири сатыы хаампыттар. Массыынаҕа кыайан тиийбэккэ охтубут.
Бурнашев Петр Иванович (Хоссокуун)
1898 сыллаахха тɵрɵɵбʏт. Армияҕа 1941 сыллаахха барбыт. 1943 сыллаахха ахсынньы ыйга сэрии толоонугар охтубут. Кɵмʏллʏбʏт сирэ биллибэт.
Васильев Илья Михайлович
1924 сыллаахха тɵрɵɵбʏт. Курбуһах 7 кылаастаах оскуолатын бʏтэрбит. Нам Таастааҕар биригэдьииринэн ʏлэлээбит. Онтон Дьокуускайга финансовай техникумӊа ʏɵрэнэ киирбит. Армияҕа барбыт. Эргиллэн кэлэн салгыы 1949 сыллаахха салгыы ʏɵрэнэн бʏтэрэр. 1994 сыыллаахха 70 сааһын туолан баран ɵлбʏт.
Местников Афанасий Николаевич
1909 сыллаахха Быччыылыкка тɵрɵɵбʏт. Сэрии иннинэ Молотов аатынан колхозка биригэдьиирдээбит. Маҕаһыыӊӊа атыылааччылаабыт. 1941 сыл балаҕан ыйын 4 кʏнʏгэр армияҕа барбыт. Сэрии бʏтʏɵ балтараа сыл хаалбытын кэннэ дойдутугар кэлбит. 79 сааһыгар 1988 сыллаах ыалдьан ɵлбʏт.
Местников Илья Гаврильевич
1911 сыллаахха Мэндиэрэ диэн сиргэ тɵрɵɵбʏт. Оскуолаҕа ʏɵрэммэтэх, колхоз араас ʏлэтигэр ʏлэлээбит. 1941 сыл атырдьах ыйын 11 кʏнʏгэр сэриигэ барбыт. 1942 сыллаахха от ыйыгар Калининградскай уобалас сиригэр сэриилэһэ сылдьан ɵлбʏт.
Местников Иннокентий Михайлович
1921 сыллаахха тɵрɵɵбʏт. Советскай Армияҕа 1943 сыл ыам ыйын 28 кʏнʏгэр Дьокуускай куораттан барбыт. Японияны утары сэриигэ 1945 сыл атырдьах ыйын 9 кʏнʏттэн балаҕан ыйын 3 кʏнʏгэр диэри сэриилэспит. Дойдутугар 1947 сыл от ыйын саҕана эргиллэн кэлбит. Окоемовкаҕа олорон 1993 сыллаахха ыалдьан ɵлбʏт.
Местников Николай Степанович (Быырай)
1907 (1911) сыллаахха Мэӊэ Атах диэн сиргэ тɵрɵɵбʏт. Кыра ʏɵрэхтээх. Колхозтары тэрийии актыыбынай кыттыылааҕа, бастаан колхозка председателинэн, онтон биригэдьииринэн ʏлэлээбит. Сэрии иннинэ Окоемовка бɵһʏɵлэгин тɵрʏттэспит. 1941 сыл атырдьах ыйыгар сэриигэ барбыт. 1942 сыл ахсынньы ыйга сэрии толоонугар охтубут. Кɵмʏллʏбʏт сирэ биллибэт.
«Кыһыл хардыы» колхозтан
Аммосов Иван Иванович II
1922 сыллаахха тɵрɵɵбʏт. Дьɵгʏɵрэп оскуолатыгар ʏɵрэнэн 7 кылааһы бʏтэрбит. «Кыһыл хардыы» колхозка ʏлэлии сылдьан атырдьах ыйын 12 кʏнʏгэр 1941 сыллаахха армияҕа ыӊырыллыбыт. Смоленскай таһыгар тɵгʏрʏктээһиӊӊэ тʏбэһэн сураҕа суох сʏппʏт.
Бурнашев Михаил Михайлович
1922 сыллаахха тɵрɵɵбʏт. Сэттэ кылаас ʏɵрэхтээх, комсомол чилиэнэ. Армияҕа барбыт. 1942 сыл балаҕан ыйыгар сэрии толоонугар охтубут. Кɵмʏллʏбʏт сирэ биллибэт.
Бурнашев Иван Петрович
1903 сыллаахха тɵрɵɵбʏт. Чурапчы оройуонун байыаннай комиссариатынан ыӊырыллан сэриигэ барбыт. 1943 сыл от ыйыгар сэрии толоонугар охтубут. Кɵмʏллʏбʏт сирэ биллибэт.
Бурнашев Михаил Лазаревич
1915 сыллаахха тɵрɵɵбʏт. Чурапчы оройуонун байыаннай комиссариатынан ыӊырыллан сэриигэ барбыт. 1943 сыл сэтинньи ыйга сэрии толоонугар охтубут. Кɵмʏллʏбʏт сирэ биллибэт.
Копырин Григорий Григорьевич
1921 сыллаахха тɵрɵɵбʏт. Биэс кылаас ʏɵрэхтээх. Колхозка ʏлэлээбит. 1943 сыллаахха сэриигэ барбыт. 1944 сыллаахха Киев куорат туһаайыытыгар сэриилэһэ сылдьан ɵлбʏт. Кɵмʏллʏбʏт сирэ биллибэт.
Лазарев Иван Михайлович
1908 сыллаахха тɵрɵɵбʏт. 1942 сыл от ыйын 12 кʏнʏгэр сэриигэ барбыт. Сэрии толоонугар охтубут. Кɵмʏллʏбʏт сирэ биллибэт.
Лазарев Дмитрий Иванович
1912 сыллаахха тɵрɵɵбʏт. 1943 сыллаахха армияҕа барбыт. Сэриигэ сураҕа суох сʏппʏт.
Максимов Михаил Данилович
1918 сыллаахха тɵрɵɵбʏт. Сэттэ кылаас ʏɵрэхтээх, комсомолец. Ликбезкэ улахан дьону ʏɵрэппит. 1942 сыллаахха сэриигэ барбыт. 1944 сыллаахха сэрии толоонугар охтубут. Кɵмʏллʏбʏт сирэ биллибэт.
Местников Гаврил Иосифович
1915 сыллаахха Истээх алааска тɵрɵɵбʏт. Ƴɵрэхтээх, партия чилиэнэ, сэрии иннинэ Бороҕоӊӊо сельпо председателинэн ʏлэлээбит. 1941 сыллаахха сэриигэ барбыт. 1943 сыллаахха улаханнык бааһыран дойдутугар кэлбит.
Местников Иван Михайлович
1909 сыллаахха тɵрɵɵбʏт. Ликбезкэ ʏɵрэнэн ааҕар, суруйар буолбут. 1930 сыллаахха «Санаммыт» ТОЗ солбуйар председателинэн, 1934 сыллаахха «Кыһыл хардыы» колхоз кассир кыладыапсыгынан, 1937 сыллаахха Уус-Кʏɵлʏн маҕаһыыныгар атыылааччынан ʏлэлээбит. 1941 сыл атырдьах ыйын 10 кʏнʏгэр сэриигэ барбыт. Ити сыл ахсынньы ыйга Москва иһин кыргыһыыга сырдык тыына быстыбыт. Кɵмʏллʏбʏт сирэ биллибэт.
Местников Николай Васильевич
1906 сыллаахха Истээх алааска тɵрɵɵбʏт. ССКП чилиэнэ. Алта кылаас ʏɵрэхтээх. 1941 сылга сэриигэ барбыт. 1942 сыл алтынньы ыйга Москва иһин кыргыһыыга ɵлбʏт. Кɵмʏллʏбʏт сирэ биллибэт.
Пухов Гаврил Гаврильевич
1916 сыллаахха Дьаарыӊӊа Кɵтɵт диэн сиргэ тɵрɵɵбʏт. Колхоз саамай ыарахан ʏлэтигэр сылдьыбыт. 1941 сылга сэриигэ барбыт. 1943 сыл сайыныгар сураҕа суох сʏппʏт. Кɵмʏллʏбʏт сирэ биллибэт.
Тарабукин Николай Егорович
1918 сыллаахха тɵрɵɵбʏт. 1938 сылтан комсомол чилиэнэ. Сэттэ кылаас ʏɵрэхтээх. 1938 сыллаахха Дьокуускай куоракка ДОСААФ линиятынан ʏɵрэнэ сылдьыбыт. Сэриигэ 1942 сыл бэс ыйын 25 кʏнʏгэр барбыт. 1943 сыллаахха Таганрог куорат аттыгар сэриигэ сураҕа суох сʏппʏт.
Сталин аатынан колхозтан
Аммосов Алексей Петрович (Ɵрɵгɵйдɵɵх Ɵлɵксɵй)
1916 сыллаахха тɵрɵɵбʏт. Сэрии иннинэ Сталин аатынан колхозка кыладьыапсыгынан ʏлэлээбит. Армияҕа барбыт. 1943 сыл сэтинньи 5 кʏнʏгэр сэрии толоонугар охтубут. Кɵмʏллʏбʏт сирэ биллибэт.
Аммосов Николай Михаййлович II
1919 сыллаахха тɵрɵɵбʏт. Сэрии иннинэ Сталин аатынан колхозка суоччутунан ʏлэлээбит. Арҕааӊӊы фроӊӊа сэриилэспит. Сэриигэ 1943 сыл сэтинньи ыйга сэрии толоонугар охтубут. Кɵмʏллʏбʏт сирэ биллибэт.
Аммосов Петр Степанович
1920 сыллаахха тɵрɵɵбʏт. Сэттэ кылаас ʏɵрэхтээх. 1937 сылтан комсомол чилиэнэ. 1944 сыл сэтинньи ыйга сэрии толоонугар охтубут. Кɵмʏллʏбʏт сирэ биллибэт.
Васильев Петр Петрович
Армияҕа барыар дылы Бороҕоӊӊо суол отделыгар инспекторынан ʏлэлээбит. Ƴɵрэхтээх. Хаһан ɵлбʏтэ, ханна хараллыбыта чуолкайдамматах.
Винокуров Николай Николаевич II
1920 сыллаахха тɵрɵɵбʏт. Сэрии иннинэ «Бэс ʏрэх» артыалга сылгыһытынан, ʏʏт табаарынай ферма биригэдьииринэн ʏлэлээбит. 1942 сыл атырдьах ыйыгар фроӊӊа барбыт. 1944 сыл тохсунньу ыйга сэрии толоонугар охтубут. Кɵмʏллʏбʏт сирэ биллибэт.
Ермолаев Егор Иванович (Тоһойук)
1916 сыллаахха тɵрɵɵбʏт. Сэриигэ барбыт. 1942 сыллаахха сэриигэ ɵлбʏт. Кɵмʏллʏбʏт сирэ биллибэт.
Ермолаев Егор Андреевич
1921 сыллаахха тɵрɵɵбʏт. Тʏɵрт кылаас ʏɵрэхтээх. Бастаан «Дулҕалаах», кэлин Сталин аатынан колхозтарга араас ʏлэҕэ ʏлэлээбит. Армияҕа барбыт. 1942 сыл тохсунньу ыйга сэрии толоонугар охтубут. Кɵмʏллʏбʏт сирэ биллибэт.
Карманилов Алексей Михайлович
1918 сыллаахха тɵрɵɵбʏт. 1942 сыл от ыйын 26 кʏнʏгэр сэриигэ барбыт. 1942 сыллаахха Москва иһин кыргыһыыга сырдык тыына быстыбыт.
Карманилов Гаврил Михайлович
1895 сыллаахха Балаҕаннаах сиригэр тɵрɵɵбʏт. Хас сыллаахха, хаһан ɵлбʏтэ биллибэт.
Карманилов Николай Михайлович (Муоччут Николай)
1906 сыллаахха тɵрɵɵбʏт. 1942 сыл от ыйын 26 кʏнʏгэр сэриигэ барбыт. 1942 сыллаахха Москва анныгар сэрии толоонугар охтубут.
Карманилов Семен Егорович
1918 сыллаахха тɵрɵɵбʏт. Кыра ʏɵрэхтээх буолан сэрии иннинэ биригэдьиирдээбит, колхоз бары ʏлэтигэр бастыӊнар кэккэлэригэр сылдьыбыт. 1942 сыл от ыйын 26 кʏнʏгэр сэриигэ барбыт. Москва иһин кыргыһыы кыттыылааҕа. 60-с сыллар саҕана Уус-Алдан оройуонун РОВД начальнигынан ʏлэлээбит. Хаһан ɵлбʏтэ чуолкайдамматах.
Окоемов Спиридон Михайлович
1917 сыллаахха тɵрɵɵбʏт. Ƴɵрэҕэ суох. Ликбезкэ ʏɵрэнэн ааҕар, суруйар буолбут. «Дулҕалаах», Сталин аатынан колхозтарга араас ʏлэҕэ ʏлэлээбит. 1942 сыллаахха армияҕа барбыт. 1944 сыл алтынньы ыйга сэрии толоонугар охтубут. Кɵмʏллʏбʏт сирэ биллибэт.
Пестряков Егор Иннокентьевич (Чээрэ Дьɵгʏɵр)
1910 сыллааҕы тɵрʏɵх. Армияҕа барыар диэри Сталин аатынан колхозка туруу ʏлэһитинэн ʏлэлээбит. 1942 сыл бэс ыйыгар сэриигэ барбыт. 1943 сыллаахха Украина сиригэр сэриигэ сураҕа суох сʏппʏт.