"Кыттаайы" колхозтан хомуллан, Аҕа дойду сэриитигэр барбыт, биир дойдулаахтарын кэриэһигэр, сэрии ветерана, Москва   оборонатын  кыттыылааҕа, Аҕа   дойду сэриитин 1 степеннээх орден, "Хорсунун иһин" мэтээл  кавалера Вензель Михаил Иванович, Кыайыы 40 сылыгар, о.э 1985 с-ха өйдөбүнньүк памятник оҥорон, биир дойдулаахтарын ааттарын-суолларын үйэтиппитэ. Ону билигин мантан сэриигэ барбыт дьон оҕолоро, аймахтара салгыы үйэтитэллэр. Ол курдук, Кыайыы 70 сылыгар Аммосов Василий Васильевич көҕүлээһининэн бу памятник саҥардыллан, суруга-бичигэ эбиллэн саҥалыы  үйэтилиннэ. Сылын аайы, кыайыы күнүгэр, мантан сэриигэ барбыттар  аймахтара, оҕолоро, сиэттэрэ кэриэстэбил күнэ оҥорон, бу ытык сиргэ баран ахтыы оҥорон, ирэ-хоро кэпсэтэн, махтал тыллары этэн кэлэллэр.