Саха Өрөспүүбүлүкэтин салалтатын уонна тус бэйэм ааппыттан эһигини Аҕа дойду Улуу сэриитигэр Кыайыы 76 сылынан ис сурэхпиттэн итиитик-истиҥник эҕэрдэлиибин! Ыам ыйын 9 кунэ - Арассыыйа олохтоохторугар ытык бырааһынньык, элбэх омуктаах норуоппут модун күүһүн уонна бигэ санаатын, төрөөбүт дойдуга тапталын уонна Аҕа дойдуга бэриниилэзх буолуутун бэлиэтэ.

Бу күҥҥэ биһиги ытык дьоммутугар Аҕа дойду Улуу сэриитин сылларыгар модун санаатыт уонна килбиэннээх улэтит иһин сүгүрүйэбиг! Эйэлээх халлаан, чаҕылхай күн баарыгар махтанабыт! Ийэ дойдуну көмүскүүргэ ыҥырыллыбыт 62 тыһыынчаттан тахса Саха сирин олохтоорун, ол иһигэр дойду киин куораттарыгар үрдүк үөрэххэ үөрэнэ сылдьан сэриигэ көҥүл баҕаларынан барбыт устудьуоннар, аспираннар ааттара Аҕа дойду Улуу сэриитин летопиһыгар үйэтитиллибитэ. Биир дойдулаахтарбыт хорсуннук сэриилэспиттэрэ, кырыктаах кыргыһыыларга хоһууннарын, үлэ фронугар дьулуурдарын көрдөрбүттэрэ. Тыһыынчаттан тахса киһи үрдүк бойобуой наҕарааданан бэлиэтэммитэ. Бийиһги кыргыһыы хонуутугар охтубут, тыылга суорума суолламмыт биир дойдулаахтарбытын курутуйа ахтабыт. Төһө да уонунан сыллар аасталлар, сураҕа суох сүппүт саллааттар ааттара “Суолдьуттар” күүстэринэн төрөөбүт дойдуларыгар эргиллэр. Бойобуой наҕараадалар дьоруойдарын  булаллар. Сэбиэскэй Сойуус Дьоруойдарын ааттара дэҥҥэ көстөр ураты алмаастарга иҥэрилиннэ. Улуу Кыайыы күнүн быйыл эмиэ судургута суох б ы h ы ы га - м а й гы га бэлиэтиир буоллубут. Ол эрээри,үөруулээх быраайынньык сырдык сыдьаайа өлбөөдүйбэт. Биһиги күндү бэтэрээннэрбитин чиэстиибит, дириҥ ытыктабылбытын тиэрдэбит, монуменнарга сибэкки дьөрбөтүн уурабыт, биһиги кэккэбититтэн туораабыт Аҕа дойдуну көмүскээбит ытык дьоммутун кутурҕан мүнүүтэтинэн санаан-ахтан кэриэстиибит. Дойдубут устуоруйатын албан ааттаах сылларын  туһунан үтүө өйдөбүлү харыстаан, иэдээннээх сэрии туһунан кырдьыгы ыччакка тиэрдиэх тустаахпыт. Кыайыыны ситиспит ытык дьоммут кэриэһэ — Аҕа дойдуга бэриниилэзх, бары ыарахаттары туоруурга түмсүүлээх, эппиэтинэстээх буолуу өрөспүүбүлүкэни уонна Улуу Арассыыйаны сайыннарар сорукгары ситиһиилээхтик быһаарарга көмөлөһөр. Өтөрүнэн биллибэтэх дьаҥтан үөскээбит уустук быһыы -майгы киһи олоҕо, доруобуйата туохтааҕар да күндүтүн көрдөрдө. Өрөспүүбүлүкэҕэ 2021 сылга Чэбдигирии сылынан уонна салгыы Чэбдигирии уон сылынан туруоруллубут сорукгары толорорго бары күүспүтүн уурдахпытыта, Сахабыт сиригэр бигэ туруктаах чэбдик эйгэни тэрийиэхпит, төрөөбүт дойдубутугар саҥа саҕахтар арыллыахтара диэн эрэнэбин. Күндү Сахам сирин олохтоохторо! Эһиэхэ уонна чугас дьоҥҥутугар кытаанах доруобуйаны, этэҥҥэ буолууну, эрчими уонна эрэли, сылаас сыһыаны уонна бары үтүөнү баҕарабын! Улуу Кыайыы күнүнэн киһи аймаҕы көмүскэспит Саха сирин боотурдарыгар, үлэнэн Кыайыыны уйансыбыт биир дойдулаахтарбытыгар Албан аат! Эһиги хорсун быһыыгыт, эр санааҕыт, ыарахаттары туоруурга Д ь у л у у р г у т уонна сырдык ааккыт уйэлэргэ умнуллубатын!