Биһиги, уус алданнар, Аҕа дойду Улуу сэриитин туһунан кэрэһит буолбут сирдэрбитигэр ытык өйдөбүллэри туруорбут уратылаахпыт. Ол курдук Хараҕа Төрдүгэр уонна Хос Үрэххэ сылын аайы Кыайыы күнүн тэрээһиннэрэ саҕаланаллар.
Бу тэрээһин быйыл Улуу Кыайыы 80 сылынан ыам ыйын 6 күнүгэр саҕаланна.

Хараҥа Төрдө. Өрөгөйдөөх муусука, ырыа-тойук доҕуһуоллаах үөрүүлээх бырааһынньыкка Аҕа дойду сэриитин ыар кэмнэригэр дойдуларыгар хаалан тоҥору-хатары, аччыктыыры тулуйбут, кыайыыны уһансыбыттыыл бэтэрээнннэрэ, оонньооботох оҕо саас диэн тугун дьиҥ-чахчы Кыайыы 80 сылын суһүөхтэрин үрдүгэр көрсөр дьоллоохтор биһиги кэккэбитигэр бааллар, тэҥҥэ үөрэллэр-көтөллөр. Кинилэр буоллаҕа, ыстаал курдук хатарыллыбыт көлүөнэ диэн. Бу үөрүүлээх күҥҥэ ытык дьоммутун улуус баһылыгын солбуйааччы Анатолий Сторожев, улуустааҕы бэтэрээннэр Сэбиэттэрин бэрэссэдээтэлэ Олег Федоров эҕэрдэлээтилэр, Кыайыыны уһансыбыттарга үтүө баҕа санааларын тиэртилэр. Бэтэрээннэргэ анаан үүнэр кэнчээри ыччат монтаж аахта, эдэр көлүөнэ үҥкүүлээн тэйдэ.