Бүгүн уус алданнар ытык сирбитигэр – Хараҕа Төрдүгэр – ахтылҕан, өйдөбүнньүк тэрээһинэ буолла. Манна баар Аҕа дойду Улуу сэриитин кыттыылаахтарыгар аналлаах мемориальнай комплекска сылын аайы тахсан хоодуот дьоммутугар сүгүрүйэбит. Манан былыргыттан айан аартыга тыргыллар. Онон 85 сыл анаара өттүгэр бу суолунан биир дойдулаахтарбыт Ийэ дойдуларын көмүскүү барбыттара. Үрдүк кырдалтан нэлэһийэн көстөр Мүрү Эбэлэрин одуулаан өр турдахтара, харахтарын уутун туора соттон кый ыраах уоттаах кыргыһыыга туруннахтара. Буойун бэйиэт Иннокентий Артамонов эппитинии, кинилэри төрөөбүт дойдуларын будьурхай тыата атаардаҕа, кэтэһэ хааллаҕа.