(1912-1942)

 1915 сыллаахха Баатаҕай нэһилиэгэр төрөөбүт. 1941 сыл бэс ыйын 15 күнүгэр Чурапчы военкоматынан ыҥырыллыбыт. 1942 сыл олунньу 18 күнүгэр өлбүт. Тверскэй уобалас Ржевскай оройуонун Бахмутово дэриэбинэтигэр көмүллүбүг.

 “Александров Иван Иванович үс уоллааҕыттан биирэ мин аҕам, биирэ Александров Федор Иванович билигин Уһун-Күөлгэ олорор. Аҕам 1915 сыллаахха төрөөбүт. Ийэбинээн Хобороостуун 3-4 сыл бииргэ олорбуттар. Аҕам сэриигэ барарыгар мин үстээҕим эбитэ үһү. 1941 сыллаахха барбыт. Сут сыллар, олох олус ыараханыттан балыстарым өлбүттэр. Аҕам сэриигэ баран баран биирдэ эр суруйбут. 1942 сыллаахха өлбүтүн туһунан биллэриитэ кэлбит. Сэриигэ барыан иннинэ кыладыапсыгынан, үп агенынан үлэлии сылдьыбыт. Чараҥай оскуолатыгар үөрэммит. Сүрдээх сымнаҕас, аҕыйах саҥалаах үчүгэй киһи. Баара эбитэ буоллар туох эрэ үлэһит буолуо этэ диэн кырдьаҕастар ахталлар. Ону сүрдээҕин долгуйа, үөрэ истэбит. Сэрииттэн кэлбит дьоннортон аҕабын сураһарым үһү”.

Кыыһа Александрова Мария Егоровна

16.03.1985 с.