(1919-1992)

Дүпсүн улууһун (билиңңитэ Уус-Алдан улууһа) 1 Ѳспѳх нэһилиэгэр Чараңай ийэтин ууһугар 1920 сыллаахха тѳрѳѳбүт. Дьоно дьадаңы бааһынайдар эбит. Дүпсүн 7 кылаастаах оскуолатын 1937-38 сыллаахха бүтэрбитэ. 1942 сыллаахха Якутскайдааҕы тыа хаһаайыстыбатын техникумугар киирэн, үѳрэнэн, зоотехник идэтин ылбыта. Николай Тѳңүлүтээҕи зооветпууңңа сэбиэдиссэйинэн анаммыта. Манна үлэлии сылдьан 1942 сыл атырдьах ыйын 19 күнүгэр Кыһыл Армияҕа ыңырыллан барбыта. Бу сыл ахсынньы 3 күнүгэр улаханнык ыалдьан, дойдутугар демобилизацияланан кэлбитэ. 1943 сыл тохсунньу 1 күнүттэн бастаан Майатааҕы райзоовет врачебнай участокка, кэлин Табаҕаҕа, Герой Попов аатынан совхозка зоотехниктаабыта. 1962 сыллаахха Табаҕаҕа кѳһѳн кэлэригэр доруобуйата олус айгыраабыта, сыл санаторийга эмтэнэрэ. Гидрофон үүннэриитигэр, почтаҕа почтальонунан үтүѳ суобастаахтык үлэлээбитэ. Общественнай олоххо кѳхтѳѳхтүк кыттара, араас таһымнаах быыбар хамыыһайытыгар, нэһилиэнньэ перепиһигэр, агитационнай хампаанньаҕа элбэх сыратын, бириэмэтин аахсыбакка сылдьара. Сэрии сылларыгар кыайыы туһугар күүһүн харыстаабакка үлэлээбитэ. САССР Тыа хаһаайыстыбатын министерствотын бирикээһинэн хаста да бириэмэйэлэммитэ. «Аҕа дойдуну кѳмүскүүр Улуу сэрии кэмигэр килбиэннээх үлэтин иһин» мэтээлинэн наҕараадаламмыта. 1985 сыл бэс ыйын 19 кунугэр Табаҕаҕа уһуннук ыалдьан ѳлбүтэ. Николай Фомич үлэҕэ үтүѳ сыһыанынан, сытыары сымнаҕас майгытынан, кытаанах санаатынан, билииитинэн-кѳрүүтүнэн бар дьонугар ытыктанара, үѳлээннээхтэрэ истиң-тылынан ахталлара.