(1923-2008)

1923 сыл сэтинньи 1 күнүгэр 1-й Ѳспөх нэһилиэгэр «Ойбон күөлгэ» төрөөбүт. Чараӊай оскуолатын 6 кылааһын бүтэрээт К.Маркс аатынан колхозка үлэлии сылдьан 1944 сыл бэс ыйыгар Нам улууһун военкоматынан ыӊырыллан Армияҕа барбыта. Иркутскай уобалаһыгар Мальтаҕа тохтоон баран Забайкальскай фроӊӊа тиийбитэ. Онно Монголия «Тамсаг-Булак» диэн сиригэр олохсуйаллар. Бу бириэмэҕэ Японияны утары сэрии буолан 1945 сыл от ыйыгар сатыы походка айаӊӊа туруналлар. Бу эрэйдээх айаннарын үрдүктүк сыаналаан Сталин илии баттааһыннаах Махтал сурук биэрбиттэрэ. Онтон Монголияҕа төннөн кэлэн шахтаҕа таас чох хостооһунугар үлэлиир. Бу кэнниттэн 1947 сыллаахха дойдутугар эргиллэр, колхозка үлэлиир. «Японияны кыайыы иһин», « ССРС Сэбилэниилээх күүстэрин 50 сыла», элбэх юбилейнай мэтээллэринэн, Сталин Японияҕа тиийии иһин илии баттааһыннаах Махтал суругунан наҕараадаламмыта. 2008 сыллаахха өлбүт.