(1925-1972)

1925 сыллаахха муус устар 18 күнүгэр Баатаҕай нэһилиэгэр Үөнэ аҕатын ууһугар Миичикэ Андылааҕар төрөөбүтэ. Чараӊай 7 кылаастаах оскуолатыгар үөрэммитэ. Оскуола кэнниттэн колхозка үлэлии сырыттаҕына 1943 сыл от ыйыгар армияҕа ыӊырбыттара. 1943-44 сс. МНР столицатын таһыгар баар Чойбалсан куорат аттыгар 14-с №-дээх отдельнай караульнай ротаҕа сулууспалаабыта. Японияны утары сэрии саҕаланаатын кытары кини фроӊӊа барбыта.

Советскай Союз икки төгүллээх Геройа генерал-лейтенант Кравченко командующайдаах 64-с гвардейскай танковай армия 57-с десантнай дивизиятын састаабыгар сылдьыбыта. 1946-48 сс. Монголияҕа сулууспалаабыта. 1948 сыллаахха армияттан демобилизацияламмыта. Дойдутугар эргиллэн баран 1949 сыллаахха Тарская Варвара Николаевнаны кэгэн ылбыта. Кинилэр барыта тоҕус оҕоломмуттарыттан үстэрэ кыраларыгар, икки уол – Юрий, Руслан саастарын ситэн баран өлбүттэрэ. Улахан уол Александр икки оҕолонон, өр сылларга суоппарынан үлэлээн баран 2010 сылга ыалдьан өлбүтэ.  Аҕабыт Иван Иванович Бороҕоӊӊо олорбута, киин балыыһаҕа рабочайынан үлэлии сылдьан 1972 сыллаахха өлбүтэ.