(1917-1980)

1917 сыллаахха төрөөбүт. 1932 сыллаахтан Аржаков аатынан колхозка үлэлээбит. 1934 сыллаахха Карпова Мария Лукиничнаны кэргэн ылан ыал буолбуттара. 1942 сыллаахха Ленинград оборонатыгар сэриилэспит. Атаҕар улаханнык бааһырыыны ылан III группалаах инвалид буолан 1943 сыллаахха атырдьах ыйыгар дойдутугар төннүбүт. 1943-65 сс. Сылгыһытынан, бостуугунан, 1966-71 сс. Субай сүөһүгэ бостуугунан үтүө суобастаахтык үлэлээн 1950 сыллаахха «Социалистическай тыа хаһаайыстыбатын туйгуна» знагынан, 1952 сыллаахха Саха АССР Верховнай Советын Президиумун Бочуотунай грамотатынан, «Германияны кыайыы иһин», «1941-45сс. Аҕа дойду Улуу сэриитин сылларыгар килбиэннээх үлэтин иһин», юбилейнай мэтээллэринэн наҕараадаламмыт. Үс оҕото ыал буолан, сиэннэрин көрсөн, бүөбэйдэһэн, улаатыннаран, тулаайах сиэннэригэр ийэ-аҕа оннугар хаалан туох баар күүһүн-уоҕун анаабыта. 1980 с. муус устар 25 күнүгэр ыарахан ыарыыттан суох буолбута.