(1917-1966)

Уус-Алдан улууһун I Ѳспөх нэһилиэгин Эрбэһин Булуӊун куулатыгар олохтоох Иван Ефимович I – Улахан Уйбаан, Аграфена Филипповна (Назарова) Сивцевтэргэ 1917 сыллаахха төрөөбүтэ. 4 кылаас үөрэхтээх. 1946 сылтан коммунистическай партия чилиэнэ. 4 оҕолоох, кэргэнэ Сивцева (Стрекаловская) Анна Алексеевна. Сэриигэ барыар диэри Чапаев аатынан колхозка үлэлээбитэ.

Армияҕа  1941 сыллаахха атырдьах ыйын 11 күнүгэр бастакы хомуурга Күндүл сайылыктан барбыта. Уоттаах сэриигэ алтынньыттан киирбитэ. 361-с стрелковай полка 3-с батальонугар пулеметчигынан сылдьыбыта. Харса хабыра суох киирсиигэ бааһыран 1942 сыл ахсынньы 21 күнүттэн 1943 сыл тохсунньу 2 күнүгэр диэри 2622 нүөмэрдээх госпитальга сыппыта. Госпитальтан тахсан 153-с стрелковай полкаҕа тиксибитэ. Үһүстээн бааһыран 1943 сыл атырдьах ыйын 11 күнүгэр диэри госпитальга сытан баран инвалид буолан дойдутугар төннүбүтэ. Дойдутугар кэлэн үлэттэн туора турбакка араас үлэлэргэ күүһэ тиийэринэн үлэлээн барбыта. 9 сыл I Ѳспөх, Тэбиик, Баатаҕай нэһилиэктэригэр налоговай агенынан, 10 сыл леснигынан үлэлээбитэ. 1966 сыллаахха өлбүтэ.

«Германияны кыайыы иһин» (1947с.), «Хорсунун иһин» (1953 с.), «1941-45 сс. Аҕа дойду Улуу сэриитин сылларыгар килбиэннээх үлэтин иһин» (1947 с.), юбилейнай мэтээллэринэн наҕараадаламмыта.