Кини 1917 сыллаахха Тандагыга Таатта Тамаҕа диэн сиргэ төрөөбүтэ. Элбэх oҕoлoox Охлопков Николай Кузьмич диэн ыалга 19-с оҕонон төрөөбүт. Элбэх оҕолоох, кыаммат буолан Маруся эдьиийинээн Харитиналыын Бүлүү детдомугар ыытыллыбыттара. Төннөн кэлээт Тандагы колхозка кыайар үлэтигэр үлэлээбитинэн барбыта. Сэрии эрэ иннинэ Васильев Иван Федоровичка кэргэн тахсыбыта. Убаһалааҕынан, Бээрийэнэн олорон колхоз араас үлэтигэр үлэлээбиттэрэ. Кэргэнэ Уйбаан сылгыһыт идэлээҕэ. 1942 с. кини биир сылгытын сүтэрэр. Баҕар, дьон да сиэн кэбиспит буолуон сөп. Ону Уйбаантан төлөтөн ыанар ынахтарын, атын малларын тутан ылаллар. Онтон кыһыйан Совет председателэ Готовцев Степан Федоровичтыын этиһэр. Кэлин "онтон өһөөн үлэ фронугар ыыппыттара» диирэ эбитэ үһү. Ол курдук Мария 1943 - 44 сс. үлэ фронугар сылдьыбыт. Бээрийэттэн Васильев Федот Николаевич кэргэнэ Татыйааналыын, Мария уонна Васильева Татьяна Николаевна диэн тулаайах кыыс сылдьыбыттар. Федот оһохчут идэлээх буолан кэргэнинээн ohox тутуутугар сылдьыбыттар. Оттон Мария Татыйааналыын Даркылаакка таһарас курууһугар, борохуот саһаанын бэлэмигэр сылдьыбыттар. Детдомна сылдьыбыт буолан балачча иннин-кэннин нууччалыы быhaapcap эбит. Онон Татыйаанатын уонна Дегтярева Аана, Куличкина Маайа диэн Өнөр дьахталларын кэпсэтэр-ипсэтэр киһи лэрэ буола сылдьыбыт. Аһылыктарын ыйга карточканан биэрэр эбиттэр. Онон астарын ылан аһыыллар эбит. Куличкина Маайа биирдэ карточкатын сүтэрэн кинини бэйэлэрин өлүүлэринэн аһата сылдьыбыттар. Аҕалара Уйбаан 1959 сыллаахха өлбүтэ. Онон 5 оҕо тулаайах хаалбыта. Оччолорго улахан оҕо Ваня 14 саастаах, кыра кыыс 2 ыйдаах хаалбыттар. Бу оҕолору атахха туруорар туһугар Маайа колхозка өрөөн көрбөккө үлэлээбитэ. Инньэ гынан аймахтарын көмөтүнэн оҕолор бары улаатан, үлэһит дьон, ыал буолан быр-бааччы олороллор. Мария 1987 сыллаахха ыалдьан өлбүтэ.