Төрөөбүт сирэ Туойдаах үрэх. Дьокуускай куоракка ветеринардар курстарыгар үөрэнэн, идэтинэн Кэбээйигэ I Сииттэ нэһилиэгэр үлэлии сылдьан сэриигэ 1943 с. ыҥырыллыбыт. Арҕаа уонна илин сэриилэргэ сылдьыбыт. Сэрии иннинэ Кэбээйигэ Аржакова Анастасия Дмитриевналыын холбоһон икки оҕолоох 1946 сыллаахха сэрииттэн кэлбит. Сэриигэ сылдьар кэмигэр кэргэнэ өлбүт. Оҕолорун бэйэтин кытта илдьэ сылдьан Дүпсүҥҥэ үлэлээбит. Иккис кэргэнэ РОЖИНа Мария Михайловна ветеринар этэ. Киниттэн оҕото өлбүт. 1953 сыллаахха Тандаҕа кэлэн олохсуйан идэтинэн үлэлээбитэ. Үһүс кэргэнэ Колодезникова Мария Петровна - Герой Ийэ. Билигин барыта 8 уол, 3 кыыс оҕолоро бааллар. Барыта 17 сиэн, элбэх хос сиэннэрдээх. «Германияны кыайыы иһин». «Японияны кыайыы иһин», «1941-45 сс."Аҕа дойду сэриитин сылларыгар килбиэннээх үлэтин иһин» мэтээллэринэн наҕараадаламмыт.