Ефимов Степан Петрович

1915 сыллаахха төрөөбүт. Танда оскуолатыгар 7 кылааһы бүтэрбит. 3 сыл устата колхозка үлэлээбит. Ол кэмҥэ үөрэҕэ суох колхозтаахтары уонна колхоз салайааччыларын ааҕарга, суруйарга үөрэппит.

1936-40 сылларга Дьокуускайдааҕы потребкооперация техникум бухгалтерскай отделениятын туйгуннук үөрэнэн бүтэрбит. 1940-42 с.с. Уус-Алдан оройуонун райсоюһун кылаабынай бухгалтерын солбуйааччытынан үлэлээбит

1942 сыл бэс ыйын 29 күнүгэр Аҕа дойдуну көмүскүүр сэриигэ ыҥырыллан барбыт. Челябинскай куоракка бастаан 26 хайыһар полкатыгар, онтон кыһынын 16 отдельнай хайыһар полкатыгар байыаннай үөрэҕи барбыт

1940 сыл тохсунньу 30 күнүгэр Сталинградтааҕы фроҥҥа ыыппыттар. Сэриилэһэ сылдьан хаҥас сыҥааҕар араанньы буолбут. 7 төгүл операция оҥорбуттар. Онтон үчүгэйдик үтүөрбүтүн кэннэ 1946 сыллаахха дойдутугар ыыппыттар. Буойун саллаат хорсун сырыыларын бойобуой мэтээллэрэ кэпсииллэр. Степан Петрович 5 үлэһит оҕолоох, 17 сиэннээх, элбэх хос сиэннээх. Кэргэнэ Анастасия Васильевна Местниковалыын 52 сыл устата сүрдээх эйэлээхтик, олус ытыктаһан олорбуттар. Степан Петрович 1992 сыллаахха 77 сааһыгар сылдьан олохтон туораабыт.