Пестряков Илья Васильевич

1921 сыллаахха Балаҕаннаах алааска Өрүүнэ уонна Баһылай Пестряковтар диэн ыалга төрөөбүт.

1943 сыллаахха Армияҕа ыҥырыллан барбыт. Бастаан 1943 сыл атырдьах ыйыттан 1944 сыл ахсынньытыгар диэри 67-с стрелковай полкаҕа стрелогунан сылдьыбыт. Онтон 1944 сыл ахсынньытыттан 1946 сыл ыам ыйыгар диэри 888-с стрелковай полкаҕа сулууспалаабыт. Ол кэнниттэн 1946 сыл ыам ыйыгар диэри 571-с сапернай батальоҥҥа саперынан сылдьан баран демобилизацияламмыт.

Дойдутугар кэлэн колхозка ревизионнай комиссияҕа үлэлии сылдьан Макарова Федосия Петровнаны кэргэн ылбыт. 1950 сыллаахха хоту балыкка барбыттар. 1958 сыллаахха Бороҕоҥҥо кэлэн олохсуйбуттар. Манна бастаан промкомбинакка тутууга, онтон мас кэрдиитигэр үлэлээбит. 1985 сыллаахха ыалдьан өлбүт.

Илья Васильевич олорбут олоҕун оҕолоро, элбэх сиэннэрэ салгыыллар.