Черкашин П.А. 1897 с. Саһылыкаан нэһилиэгэр төрөөбүтэ. Дьокуускай куораттан ыҥырыллан сэриигэ барбыт. 294-с стрелковай дивизия 859-с стрелковай полкатын рядовойа. 1945 с. муус устар 24 к. кыргыс толоонугар охтубут. Германия Вайсенберг куоратыгар көмүллэ сытар.

Черкашин Петр Александрович дьонугар суруктара

"Аҕабар уонна ийэбэр, ыраах да буолларбын дорообото тутуҥ!!! Миэхэ солун кэпсээн суох. Арай кыайыы улахан дииллэр. Сүнньүнэн "Берлин - Барсааба" эрэ хаалла дииллэр. Онон үөрүү бэрт. Мин бэйэм атаҕым үтүөрэ илик. Үтүөрбүт дьону боруоҥҥа ыыта тураллар, онон үтүөрдэхпинэ мин да барарым буолуо. Мин быһыыта бэрт ыраах сылдьабын, бэйэм холуйан көрдөхпүнэ Москуба куорат сир ортото буолуо дии саныыбын. Бэйэм доруобуйам үчүгэй, ааспыт үс ый устатыгар аһылык куһаҕан буолан чуут өлө сыспытым. Ньиэмэс миэстэтигэр тахсан баран аһылык буолунай, онон урукку олохпор түстүм. Киһи төһөөн да көрбөт үтүө сиригэр уонна дьиэтигэр-уотугар сылдьабын. Мас-от диэни ханна да көрбөтүм. Ньиэмэс миэстэтигэр тахсан баран урукку сытар сирбэр сытабын. Миигин кытта биир Үөһээ Бүлүү киһитэ сытар. Дьокуускай аттыттан кими да көрсө иликпин. Манан суруйар бүттэ, суруйдум эһиги уолгут Черкашин Петр Александрович, быраһаайдарыҥ. 8/III-45 п/п 21493"