Тит-Арынский наслег
АРГУНОВА ЕКАТЕРИНА НИКОЛАЕВНА
1932с. Уһун-Күөлгэ Варвара Спиридоновна, Николай (Кунан Ньукулай) Турантаевтар дьиэ кэргэттэригэр 5 бииргэ төрөөбүттэрэ. Соҕотох кыыс этэ уонна 4 уол.
Үөрээн сайылыгынан, Уһун-Күөлүнэн оҕо сааһа ааспыта.
Оскуолаҕа Тандаҕа үөрэнэн 4 кылааһы бүтэрбитэ уонна ийэтэ дьиэтигэр көмөлөһүннэрээри тохтоппут. Тандаттан сатыы сылдьан Уһун-Күөлгэ саас, сайын, кыһын кэлэрим диэн кэпсиирэ.
Биһиги аҕабытынаан Аргунов Григорий Федотовичтыын ыал буолан Тиит-Арыыга олохсуйбуттара. Кэргэнэ эрдэ өлөн 9 оҕону соҕотоҕун атахтарыгар туруортаабыта. Холкуоска үлэлээн баран, элбэх оҕолоох киһи оҕолорун көрөн, кэнники кулуупка техүлэһитинэн 15 сыл үлэлээн пенсияҕа тахсыбыта. Тыыл, үлэ ветерана, элбэх оҕолооҕунан знактардаах, грамоталардаах, махтал суруктардаах. 1996 сыллаахха ыалдьан биһиги кэккэбититтэн суох буолбута. 9 оҕолоох, элбэх сиэннээх, хос сиэннэрдээх.
ПОПОВА ЗИНАИДА ФЕДОТОВНА
1933 сыл от ыйын 28 күнүгэр Лөгөй нэһилиэгэр төрөөбүтэ.
Сэрии ыар сыллара буолан ситэ үөрэммэтэҕэ, түөрт кылааһынан бүппүтэ. Саастыылаахтарын кытта тэҥҥэ от, бурдук үлэтигэр сайын аайы үлэлииллэрэ. 1949 сыллаахха арҕаа нэһилиэктэргэ аһыҥка ыһан от үүммэккэ II Байаҕантай нэһилиэгэр оттуу сэттэ кыыс буолан кэлбиттэр. 1950 с. олохтоох Дмитрий Бысыинна кэргэн тахсан холкуоска ыанньыксытынан, үүт тутааччынан үлэлээбитэ, кэлин пенсияҕа тахсыар диэри оскуолаҕа техглэһитинэн үлэлээбитэ. 9 оҕону төрөтөн 8 оҕону атаҕар туруорсан, сиэннэрдэнэн баран 1993сыллаахха бу олохтон барбыта.
АХТЫЫ.
Мин Тиит-Арыы маҕаһыыныгар 1965 сыл сэтинньи ыйга үлэлии киирбитим. Оччолорго Турантаев Николай (Людмич) кэргэнэ Павлова Светлана үлэлээн бүппүтэ, мин ити кэнниттэн 1968 сылга диэри атыылааччылаабытым.
Мин кэннибиттэн Түүлээхтэн Алексеев Иван диэн киһи кэлбитэ. Оччолорго маҕаһыын диэн мин төрөөбүт дьиэм, “Тиилийэ” алааһыттан кэлэн турара, билигин да турар.
Үлэлиир кэммэр олохтоохтох холкуостар дохуоттарын натуранан (этинэн, арыынан) ылаллара, онон маҕаһыыҥҥа киирии үп олус аҕыйах буолара. Муҥутаатаҕына ыйга түөрт-биэс мөһөөк курдук киирэрэ. Сүрүннээн атыылаһар табаардара бурдук, саахар буолара, ону да сельпо массыыната нэһиилэ хааччыйара.
Кэлин холкуос арыый кыаҕыран, техника да элбээн бородууктаны саппааһырар гына таһынарым. Нэһилиэнньэ көрдөбүлэ үрдээн табаар ассортимена элбииригэр үлэлэспитим, түмүгэр киирии үп лаппа үрдээбитэ.
Үлэлээбит сылларбар наспо, райпо, “Холбос” үгүс грамоталарынан. Дипломнарынан наҕараадаламмытым.
1969 сылга бөһүөлэкпитигэр киноустановка аһыллан идэбинэн үлэлии барбытым.
Ахтыыны суруйда Егоров Николай Николаевич.
19.02.2020с.
1911 с. 2-с Байаҕантай нэһилиэгэр төрөөбүт. Олорбут сирэ Хаптаанньа үрэҕэ- Бөрөлөөх.Учуутал үөрэхтээх. Бээрийэҕэ, Тандаҕа учууталлаабыт. Сэриигэ Сыҥаах нэһилиэгэр учууталлыы сылдьан 1941 с. Чурапчы ОВК-н ыҥырыллыбыт, 18.08.43 с. Бааһырыыттан өлбүт. Екатеринбург куоракка көмүллүбүт
1918 с. 2 -с байаҕантай нэһилиэгэр тһрһһбүт. Төрөөбүт сирэ Хаптаанньа үрэҕэ-Бөрөлөөх.7 кылаас үөрэхтээх. Колхоз председателинэн үлэлии сылдьыбыта. Кэргэнэ Петрова Матрена Семеновна. Сэриигэ 1941 с. Саһылыкаантан барбыт. 26.01.43 с. Өлбүт, Курскай уоб. Гриневка сэлиэнньэтигэр көмүллүбүт.
1921 с. 2-с Байаҕантай нэһилиэгэр төрөөбүт. 1941 с. Чурапчы ОВК-н ыҥырыллыбыт, 20.12.1941 сыллаахха Ленинградскай уоб.Мгинскай оройуонугар дивизионнай кылабыыһаҕа көмүллүбүт
Страница 1 из 3