1917 сыллаахха Хоро нэһилиэгэр Кэҥкээкигэ төрөөбүтэ. Аҕата Бурцев Григорий Николаевич, ийэтэ Бурцева Мария Николаевна. Николай кыра үөрэхтээх, 1933 сылтан «Кыһыл Маяк» колхоз чилиэнэ. Колхозка хонуу араас
үлэлэригэр кыттыыны ылбыта. 1940 сылтан МТС-ка учетчигынан үлэлии сылдьан, 1941 сыл атырдьах ыйын 11 күнүгэр Чурапчы военкоматынан ыҥырыллан сэриигэбарбыта. Мальтаҕа байыаннай үөрэххэ үөрэнэн баран,
Москва куорат таһыгар сэриигэ кмирбитин туһунан биир дойдулааҕа С.И. Бурцев II ахтар. Арҕаа фроҥҥа сылдьан тыҥатыгар баас ылан, 1943 сыллаахха дойдутугар эргиллэн кэлбитэ. Сэрииттэн кэлэн ревкомиссия предсецателинэн үлэлиир. Кини дьоһун үлэтэ «Аҕа дойду сэриитин сылларыгар килбиэннээх үлэтин иһин» мэтээлинэн бэлиэтэммитэ. Сэриигэ ылбыт бааһа аһыллан 1948 сыллаахха өлбүтэ. Соҕотох уола Григорий идэтинэн учуутал, СР үтүөлээх учуутала, РСФСР норуотун үөрэҕириитин туйгуна, Российскай Федерация бастыҥ учууталларын конкурсун кыайыылааҕа, СР культуратын туйгуна, учууталлар учууталлара, методист учуутал, «Азия оҕолоро» фонда стипендиата, «2000 үтүө дьыала» өйдөбүнньүк бэлиэ хаһаайына, Хоро уонна Байаҕантай нэһилиэктэрин Бочуоттаах олохтооҕо. Николай Григорьевич соҕотох уолуттан 5 сиэннээх, 6 хос сиэннээх.