Охлопков Аким Макарович (1926-1993)

Бээрийэҕэ төрөөбүтэ. Дьоно -  (Стрекаловская) Акулина Гаврильевна,  Макар Дмитриевич Охлопковтар. 1934 сыллаахха дьонун кытта Хороҕо көһөн киирэн аҕата « Куотукаҕа» колхуоска чилиэн буолбута. Аким Чаран оскуолатыгар үөрэнэн 4 кылааһы бүтэрбитэ. Сэрии сылларыгар кадровай булчут буолан Алдан өрүс нөҥүө Тааска үлэлээбитэ. 1945 сыл армияҕа ыҥырыллан барбыта. Японияны утары сэриигэ 21-с артиллерийскай полк састаабыгар стрелок быһыытынан кыттыбыта. 1948 сыл атырдьах ыйыгар армияттан босхолонон кэлэн эмиэ колхоһугар кыһынын булка, сайынын окко үлэлээбитэ. 1953 сылтан бөдөҥсүйбүт Маленков аатынан колхозка холбоһоннор Майаҕаска көһөн киирбиттэрэ. 1972-1975 сс. хонуу биригэдьииринэн талыллан үлэлии сылдьыбыта. Пенсияҕа тахсыар диэри эмиэ кадровай булчутунан үлэлээбитэ. Пятилетка ударнига, социалистическай куоталаһыы кыайыылааҕа буолуталаабыта. 1984 сыллаахха НХСБ үрүҥ көмүс мэтээлинэн наҕараадаламмыта. 1981 сылга пенсияҕа тахсыбыта. Майаҕас бөһүөлэгэр олорон 1993 сыллаахха ыалдьан өлбүтэ.