Улуу Кыайыы 65 сылын көрсө сэрии кыттыылаахтарын чуолкайдааһыҥҥа ыытыллыбыт үлэ түмүгүнэн 214 киһи фроҥҥа барбытыттан 113 киһи сэрии толоонугар охтубут. Билигин даҕаны ханна сэриилэспиттэрэ, ханна охтубуттара ситэ быһаарылла илик дьоннордоохпут. Маны чуолкайдааһыҥҥа инникитин үгүс сыралаах үлэ ирдэниллэр. Сэрии саҕана Курбуһах нэһилэгэр 7 колхоз баара. Бу колхозтартан төрүттээх дьоннор көҕулээһиннэринэн үтүмэн үлэ ыытыллан, урукку колхозтар сирдэригэр-уоттарыгар өйдөбүнньүк пааматынньыктар оҥоһуллан туруоруллубуттара.Нэһилиэк киинигэр «1941-1945 сылларга Аҕа дойдуну көмүскээбит Курбуһах буойуннарыгар Албан Аат» мемориальнай комплекс Улуу Кыайыы 65 сылыгар тупсарыллан оҥоһуллубута.