Андросов Гаврил Иванович (1917-1941)

      1917 сыллаахха Тандинскай нэһилиэгэр Иван Евсеевич уонна Мария Петровна Мигалкина дьиэ кэргэнигэр төрөөбүт. Бу ыал төрүт сирдэрэ Буотала сайылыктара Туора Тумуһах.

1938 сыллаахха Танда оскуолатын бүтэрэн Дьокуускайга Политпросвет оскуолаҕа үөрэнэ сылдьан, национальнай байыаннай оскуолаҕа ылыллыбыта. Онтон салгыы үөрэнэн Омскайга Фрунзе аатынан байыаннай училищены 1941 сыл ыам ыйыгар бүтэрбитэ, лейтенант званиетын ылбыта. Ол саҕана убайыгар Андрей Ивановичка ыыппыт 3 суруктара уонна 2 телеграммалара музейга бааллар. Бутэһиккэ Андрей Иванович 29.05.41. диэн кунун-ыйын бэлиэтээбит.

Училище кэнниттэн Украинаҕа Коростень куоракка рота командирынан ананан сулууспалыы сырыттаҕына сэрии буолбута. Тиһэх суругар хаартыскаларын уган ыыппыт уонна суруйбут: «Субу өстөөҕу утары кыргыһа арҕаа бардыбыт...»

193-с стрелковай дивизия 685-с стрелковай полкатыгар рота командирынан сылдьан 1941 сыл атырдьах ыйыгар сураҕа суох суппутэ диэн Подольскайдааҕы байыаннай архыып биллэриитэ быраатыгар И.И.Андросовка кэлбит.