Бэрт-Ууһун нэһилиэгэр 28.09.1942       сыллаахха төрөөбүт. Мэҥэ-Хаҥалас ОВК-нан ыҥырыллыбыт. 26.01.1943   с. Орловскай уобалас Никольскай оройуонунааҕы Юдино дэриэбинэҕэ көмүллүбүт.

Кини төрөөбүт алааһа Тимир Баппыт, Томторго Вознесенскай таҥара дьиэтин иһинэн үлэлээбит оскуолаҕа үөрэнэн 4 кылааһы бүтэрбитэ. Нэһилиэгэр суруксутунан үлэлээбитэ, колхозка биир бастакынан киирбитэ. 1929-1930 сс. тыа хаһаайыстыбатын массыыналара бастаан кэлиилэригэр  инструкцияларын ааҕан иитэн-таҥан биэрэр эбит. Кэлин нэһилиэктэргэ Потребобществолар тэриллиилэригэр Чирэпчи алааска 6 нэһилиэги түмэр НАСПО-ну тэрийсэр, онно счетоводунан, бухгалтерынан үлэлиир. 1932 сылтан оройуоннааҕы заготконтораҕа старшай бухгалтерынан үлэлии олорон 1942 сыл бэс ыйын 22 күнүгэр Кыһыл Армияҕа ыҥырыллан 6 кыыһын, ыарыһах кэргэнин хаалларан сэриигэ барбыта. Кини фронтан суругар: “Орел куорат туһаайыытынан оборонаҕа сытабыт, күн-түүн иккис фронт аһылларын кэтэһэбит”,— диэбит эбит. Кини өлбүтүн туһунан биллэрии кэлбэтэх, Кыайыы буолбутун кэннэ анаан запрос оҥорбуттарыгар аҕалара ханна өлбүтүн дьоно билбиттэрэ, тулаайах хаалбыт 6 кыргыттара үөрэнэн, ыал буолан Семен Самсонович олоҕо салҕанар.