Берт - Усовский наслег
Ефимов Николай Моисеевич
(1903-1968)
“Германияны кыайыы иһин”, “1941-1945сс. Аҕа дойду Улуу сэриитигэр килбиэннээх үлэтин иһин” мэтээллэринэн, 1947 сыллаахха Саха АССР Верховнай Сэбиэтин Президиумун Бочуотунай Грамотатынан, салайар И.Олесова аатынан колхоһа сылгы иитиитигэр былааны аһара толоруутун иһин тыа хаһаайыстыбатын Министерствотын 2-с степеннээх Дипломунан наҕараадаламмыта. 1931 сыл “Чирэпчи”, 1941-1942 сс. ”КыһылТанда”
колхозтарга, сэрииттэн бааһыран төннөн кэлэн 1944-1946 сс., 1947-1948 сс. Ирина Олесова аатынан колхозка эмиэ председателинэн үлэлээбитэ. Киниттэн оччотооҕуга ахтыы хаалбатах, ол эрээри бииргэ сылдьыбыт П.З.Копырин туһунан кэпсииригэр Брянскай туһаайыытынан сэриилэспиттэрин эппит эбит, бэйэтэ хараҕар улаханнык бааһыран эргиллибитэ. Улахан дьиэ кэргэн аҕата, кэлин араас үлэҕэ сылдьыбыта.
“Японияны кыайыы иһин”, “ Советскай Эйэ фондатын бочуотунай чилиэнэ”, ”В.И. Ленин төрөөбүтэ 100 сылын бэлиэтээн", "Килбиэннээх үлэтин иһин”, ”Үлэ ветерана” уонна Кыайыы юбилейнай мэтээллэринэн наҕараадаламмыта.
Кини Хоро нэһилиэгэр төрөөбүтэ. 1930 сыл Томтор 7 кылаастаах оскуолатыгар, онтон салгыы Чараҥҥа үөрэнэн 1938-1939 сс.”Хатыҥ Сыһыы” колхозка табельщик буолар. 1943 сыл армияҕа ыҥырыллыбыта, Амурскай
уобаласка сулууспалаан баран, 1946 сыл муус устарга дойдутугар кэлбитэ. Ис-дьыала оройуоннааҕы отделыгар милиционерынан, ”Хатыҥ Сыһыы, "Победа” колхозтарга, ”Лена” совхозка старшай бухгалтерынан, кэлин
счетовод-кассирынан үлэлээбитэ. Үлэлээбит 30 сылын устатыгар колхоз, нэһилиэк общественнай олоҕор активнай кыттыыны ылара. Колхоз комсомольскай тэрилтэлэрин секретарынан үлэтин иһин 1952 сыл Саха АССР
комсомолун 30 сылынан Обкомол Бочуотунай Грамотатынан наҕараадаламмыта. Кэргэнинээн уон оҕону улаатыннаран олох суолугар киллэрбиттэрэ.
Габышев Михаил Афанасьевич (1925-1967)
Өлүөхүмэ оройуонугар төрөөбүтэ. Гвардия сержана, 1943 сыллаахха танковай полк 83-с морской десантнай бригадатын башеннай стрелога, 01.1944 с. 80-с стрелковай полк стрелога. 24.12.1946 с. демобилизацияланар. Албан Аат III степеннээх орденынан, "Хорсунун иһин" мэтээлинэн 3 төгүл, "Германияны кыайыы иһин" мэтээлинэн наҕараадаламмыт. 1943 сыл танковай полкаҕа стрелок, онтон 83-с морской десантнай бригадаҕа автоматчигынан сылдьыбыта, 1943 сыл алтынньыттан 1945 сыл ыам ыйыгар диэри мэлдьи хабыр кыргыһыыларга кыттыбыта. 1945 сыл Берлин анныгар контузияламмыта. 1946 сыллаахха дойдутугар эргиллибитэ. 1947 сыл Булуҥ оройуонугар кадровай булчут буолбута. 1960-65 сс. Өлүөхүмэ оройуонугар лааппыга сэбиэдиссэйинэн, атыылааччынан, Уус Алдаҥҥа 1966 сылтан МТС-ка токарынан, 1967 сылтан Сыырдаахха реммастерскойга бу идэтинэн үлэлээбитэ.
Аҕа дойду сэриитин II степеннээх орденынан , “Германияны кыайыы иһин”, “Японияны кыайыы иһин”, 4 юбилейнай мэтээллэринэн наҕараадаламмыта. 1940-1943 сс. колхоһугар хонуу үлэтигэр сылдьыбыта. 1943 сыл бэс ыйын 30 күнүгэр бэбиэскэ тутан армияҕа барбыта. Бурятскай АССР-га “Гусиное озеро” станцияҕа, МНР Сухэ-Батор куоратыгар, Владивостокка Тихоокеанскай флокка байыаннай чаастарга, 1943 сыл от ыйын 1 күнүттэн Забайкальскай байыаннай уокурукка 6-с кондепо 2-с эскадрон 4-с взводугар 1-гы отделениеҕа сулууспалаабыта. 1947 сыл ахсынньы ыйга дойдутугар кэлэн Курска үөрэнэн тракториһынан “Сельхозтехникаҕа”, колхоһугар, сов-хозка үлэлээбитэ. Кэлин механигынан, оскуолаҕа тракториһынан, 1974 сыл-тан пенсияҕа тахсыар диэри Чирэпчигэ атыылааччынан үлэлээбитэ.
Страница 1 из 18