Берт - Усовский наслег
Бэрт-Ууһун нэһилиэгэр төрөөбүтэ. 1941 сыллаахха Москва куорат көмүскэлигэр сэриилэһэ сылдьан бааһыран 1942 сыллаахха демобилизацияламмыта. Аҕа дойду сэриитин I степеннээх, Ленин орденнарынан, "1941-1945 сс. Аҕа дойду Улуу сэриитигэр килбиэннээх үлэтин иһин” мэтээлинэн наҕараадаламмыт, Саха АССР норуотун хаһаайыстыбатын утүөлээх үлэһитэ, Уус-Алдан улууһун уонна Бэрт-Ууһун нэһилиэгин Бочуоттаах гражданина.
1930-1934 сс. Орто-Эбэ оскуолатын 4-с кылааһын бүтэрэн олохтоох Сэбиэт сэкэритээринэн үлэтин саҕалаабыта. 1940 сылтан ССКП чилиэнэ, 1938 сылтан МТС инструктора, 1940 сылтан райсоюз солбуйар председателэ. 1941 сыл атырдьах ыйыгар армияҕа ыҥырыллан Иркутскай куоракка Мальта станцияҕа үөрэнэн сэтинньи саҥатыгар Арҕаа фроҥҥа тиийэр. Калининскай уобалас сиригэр Улахан уонна Кыра Морознай дэриэбинэлэр тастарыгар 580 №-дээх кини сулууспалыыр стрелковай полката оборонаны туппута. Ахсынньы ыйга разведкаҕа сылдьан бааһыран 2-с группалаах инвалид буолан дойдутугар кэлэн райсоюз солбуйар председателинэн, прокуратура следователинэн улэлээбитэ. 1946-1957 сс. “Победа”, 1957-1967 сс. Мэҥэ-Хаҥалас Герой Попов аатынан колхозтарга председателинэн, ’’Лена” совхозка хаһаайыстыбаннай чаас директорын солбуйааччынан, МТС директорынан, 1969-1974 сс. производственнай управлениеҕа, ”Лена” совхозка мелиораторынан үлэлиир.
Бэрт-Ууһун нэһилиэгэр төрөөбүт, 1945 сыллаахха ыҥырыллыбыт, 1951 сыллаахха демобилизацияламмыт. “Японияны кыайыы иһин” мэтээлинэн наҕараадаламмыт.
08.1941-08.1942 сс. 91 -с запасной стрелковай полк стрелога. I группалаах инвалидынан 08.1942 с. саппааска таһаарыллыбыт. Бэрт-Ууһун нэһилиэгин Бочуоттаах гражданина.
Биир бастакынан нэһилиэгэр комсомолга киирбитэ, Дьокуускайдааҕы национальнай байыаннай оскуолаҕа үөрэнэн оройуонугар тахсан ОСАВИАХИМ-ҥа үлэлээбитэ. Армияттан кэлэн баран 1944-45 сс. Байаҕантай нэһилиэгэр “Бөлөхтөһүү” колхозка председателинэн, 1946 сыллаахха Киров, 1949-1950 сс. Ирина Олесова ааттарынан колхозтарга председателинэн, оскуолаҕа завхоһунан үлэлээбитэ. Сэттэ оҕону улаатыннаран үөрэх-үлэ суолугар үктэннэрбиттэрэ.
Лейтенант. 1941 сыллаахха стрелковай отделение командира, 1943 сылтан 173-с стрелковай дивизияҕа взвод командира. Кыһыл Сулус, Аҕа дойду сэриитин I степеннээх орденнарынан, “Кенингсберы ылыы иһин”, “Германияны кыайыы иһин” мэтээллэринэн наҕараадаламмыта, Бэрт-Ууһун нэһилиэгин Бочуоттаах гражданина.
1936 сыл Орто-Эбэ оскуолатын бүтэрэн нэһилиэк Сэбиэтигэр сэкэритээринэн үлэлиир, 1938 сыл республикатааҕы политсовет оскуола 1 курсун бүтэрэрин кытары РККА кэккэтигэр ыҥырыллан саха национальнай байыаннай оскуолатын (ЯНВШ) курсана буолар. Дьокуускай оройуонугар ОСОВИАХИМ оройуоннааҕы Сэбиэтин председателэ. 1941 сыл бэс ыйыгар Забайкальскай байыаннай уокурукка, Мальтаҕа, онтон Монголия кыраныыссатыгар отделение командира, салгыы 1942 сыл бүтэһигэр дивизионнай байыаннай училищеҕа үөрэнэн
1943 сыл Арҕаа фроҥҥа аттанар. 1943-1946 сс. 2-с Белорусскай фроҥҥа взвод командира. 1943 сыл Витевскэй анныгар өстөөх оборонатын тоҕо көтүүгэ, 1944 сылга сайыҥҥы “Багратион” диэн аатынан киирбит кимэн киириигэ Белоруссия сирин бүтүннүү босхолоһор, 1945 сыл Илиҥҥи Пруссия сиригэр өстөөх оборонатын көҥү көтүүгэ взводун хамаандалыыр. Хорсун офицер 2,5 сыл устата үс төгүл бааһырбыта. 1955 сыл Дьокуускайдааҕы юридическай оскуоланы бүтэрэн Саха АССР Верховнай Сэбиэтин консультанынан, инструкторынан үлэлээбитэ, РСФСР персональнай пенсионера.
Страница 6 из 18