Мордовской Василий Спиридонович (1921-1993)

1921 сыллаахха олунньу 19 күнүгэр II Суотту нэһилиэгэр төрөөбүтэ. Орто үөрэхтээх. 1941 сыллаахха от ыйыгар сэриигэ ыҥырыллыбыта. Бастаан Сталинградтааҕы кыргыһыыга кыттыбыта. Онтон илин кыраныыссаҕа ыытыллыбыта. 1945 сыллаахха атырдьах ыйын 9 күнүттэн балаҕан ыйыгар диэри Японияны кытта сэрии кыттыылааҕа. Ыараханнык бааһыран госпитальга өр кэмҥэ эмтэммитэ. Сэрииттэн кэлэн Дьокуускайга олохсуйбута. Бастаан комсомол обкомугар, онтон балык хаһаайыстыбатын управлениетыгар, ДьУоКХ управлениетыгар үлэлээбитэ. Коммунистическай үлэ ударнига. Үлэ ветерана. Аҕа дойду сэриитин II степеннээх орденынан, «Японияны Кыайыы иһин» мэтээлинэн наҕараадаламмыта. Кэргэнэ Егомина Анна Захаровналыын 52 сыл дьоллоохтук олорон, 3 оҕолоохтор. Улахан кыыс Архипова Людмила Васильевна Дьокуускайга статуправлениеҕа өр сыл үлэлээбитэ. Людмила Васильевна кыыһа Архипова Суола Николаевна педагогическай наука кандидата. Иккис кыыс Гаврильева Евдокия Васильевна парикмахер-мастер-модельер этэ. Аччыгый кыыстара Мордовская Анна Васильевна педагогическай наука доктора, профессор. В.С.Мордовской 1993 сыллаахха өлбүтэ.