Новоприезжий Семен Николаевич (1907-1978)

     1907 сыллаахха Алаас Эбэҕэ дьадаҥы кэргэҥҥэ төрөөбүтэ. 1931 сыллаахха «Саҥа суол» колхозка киирбитэ. Колхозка киириэҕиттэн бары үлэҕэ ис сүрэҕиттэн кыһаллан туран үлэлиирэ. Ордук от охсуутугар хас да сыл таһаарыылаахтык үлэлээбитэ. Бары үлэҕэ үрдүк көрдөрүүлэрин иһин 1932 сыллаахха ударник аатын ылбыта. 1934 сыллаахха «Саҥа суол» колхозка председателинэн, онтон кэлин сылларга хонуу биригэдьииринэн үлэлээбитэ. 1944 сыллаахха сэриилэһэр аармыйаҕа ыҥырыллыбыта. Украинскай фронт  9-с армиятыгар сулууспалаабыта. Польшаны, Румынияны, Чехословакияны уонна Венгрияны босхолоспута. Берлинтэн 50 км. арҕаа тиийбитигэр Кыайыы буолан төннүбүтэ. 1946 сыллаахха сэрииттэн босхоломмут. Сэрииттэн эргиллэн кэлээт колхоз үлэтигэр салайар састаапка үлэлэспитинэн барбыта, производствоҕа активнайдык кыттыбыта. “Бойобуой үтүөлэрин иһин”, “Германияны кыайыы иһин”, “1941-45 сс. Аҕа дойду Улуу сэриитин сылларыгар килбиэннээх үлэтин иһин” мэтээллэринэн наҕараадаламмыт. Икки кыыстаах. Евдокия Хаҥалас улууһугар олохсуйбута. Иккис кыыс Федора Семеновна фельдшер, Бороҕоҥҥо олорор. С.Н. Новоприезжай 1978 сыллаахха өлбүтэ.