ГУЛЯЕВ СПИРИДОН МИХАЙЛОВИЧ (1911-1976)

1911    сыллаахха Соҕуруу Сараах аҕатын ууһугар дьадаҥы кэргэҥҥэ төрөөбүт.

1937 сылтан Сталин аатынан колхозка араас үлэҕэ үтүө суобастаахтык үлэлээбит. Сэриигэ барыар диэри Уус-Майанан, Ааллаах-Үүнүнэн таһаҕас таһыытыгар сылдьыбыт.

1943    сыллаахха армияҕа ыҥырыллыбыт.

Тас Монголияҕа, Байан Түмэн куорат таһыгар фроҥҥа атаарыллар сылгылары көрөр- харайар конзаводка сулууспалаабыт.

1946    сыллаахха дойдутугар этэҥҥэ кэлээт колхоз, онтон совхоз араас үлэтигэр таһаа- рыылаахтык үлэлээн бочуоттаах сынньалаҥҥа тахсыбыт.

1947    сыллаахха «1941-45 сс. Аҕа дойду сэриитин сылларыгар килбиэннээх үлэтин иһин», 1971 сыллаахха Коммунистическай үлэ ударнига знагынан, элбэх юбилейнай мэтээллэринэн, оройуон, республика бочуотунай грамоталарынан наҕараадаламмыт.

Кэргэнэ Ульяна Андросовалыын 4 кыыс, 1 уол оҕоломмуттар. Билигин сэрии уонна үлэ ветеранын олоҕун 5 төрөппүт оҕолоро, элбэх сиэннэрэ салгыыллар.

1976 сыллаахха ыарахан ыарыыттан олохтон туораабыт.