АММОСОВ ПЕТР ВАСИЛЬЕВИЧ (1914-2001)

Ахсынньы 28 күнүгэр 1914 сыллаахха Толоон Эбэҕэ Аммосов Василий Павлович, Матрена Дмитрьевна дьиэ-кэргэнигэр 4-с оҕонон күн сирин көрбүт.Танда оскуолатыгар үөрэнэн сэттэ кылааһы бүтэрбит, онтон Дьокуускайга үс сыллаах кооперативнай техникумҥа үөрэммит. Техникуму бүтэрэн баран Бороҕоҥҥо райпотребсоюзка ревизор- бухгалтерынан үлэлээбит.

Сэриигэ 1941 сыллаахха ыҥырыллан барбыт. Волховскай фроҥҥа сэриилэспит. 1942 сыл өстөөх буомбалааһыныгар сиһин уҥуоҕун таптаран госпитальга киирбит. 1943 сыл муус устар ыйга үһүс группалаах сэрии инбэлиитэ буолан дойдутугар төннүбүт.

Кэлэн баран прокуратураҕа следователинэн, прокурор көмөлөһөөччүтүнэн, кэлин хаһыат редакциятыгар 12 сыл устата суот- учуот үлэтигэр үтүө суобастаахтык үлэлээбит.

Кэргэнэ Матрена Готовцевалыын биир уоллаахтар, сиэннээх. П.В. Аммосов 87 сааһыгар бу дойдуттан букатыннаахтык барбыт.