БУРНАШЕВ ГАВРИИЛ АКИМОВИЧ (1900-1957)

1900 сыллаахха төрөөбүт. «Толоон Эбэ» колхоз бастыҥ үлэһитэ. 1941сыллаахха бастакы хомуурга ыҥырыллан армияҕа барбыт. Биир кыһын наар хайыһар ротатыгар сылдьыбыт. Курскай туһаайыытынан сэриилэһэ сылдьан ыараханнык бааһыран, өйө-төйө суох сыттаҕына санитарка булан быыһаабыт. Хас да госпитальга эмтэнэн, арыый үтүө буолбутун кэннэ 1943           сыллаахха атырдьах ыйыгар дойдутугар ыыппыттар. Сэриигэ ылбыт бааһа оһон биэрбэккэ өр эрэйдээбит. Ол да буоллар хонуу биригэдьииринэн 8 сыл устата үлэлээбит. Онтон ыарахан үлэни кыайыа суох буолан  Уус-Күөлүгэр көһөн киирбит. Иккис кэргэнэ Матрена Местниковалыын Дьөгүөрэп оскуолатыгар остуорастаабыттар. Гавриил Акимович сэриигэ ылбыт бааһа уһаппатаҕа, 1957 сыллаахха өлбүт. Сэрииттэн кэлэригэр хас да бойобуой мэтээллээҕэ. Билигин төрөппүт оҕолоро ыал буолан Бороҕоҥҥо, Түүлээххэ, Аммаҕа олороллор. «1941-45 сс. Аҕа дойду Улуу сэриитин сыллаарыгар килбиэннээх үлэтин иһин» мэтээлинэн наҕараадаламмыт.