ЧУДИНОВ СЕМЕН ВАСИЛЬЕВИЧ (1919-1944)

1919 сыллаахха төрөөбүт. Төрөппүттэрэ Илин Сараах сиригэр Дьырбаҥҥа олорбуттар.

Ийэ-аҕа иккиэн утуу-субуу өлөннөр икки бииргэ төрөөбүт уолаттар Толоон Эбэҕэ ийэ- лэрэ Аммосова Агафья быраатыгар Аммосов Бүөтүчээҥҥэ «Чөрөкөнөҕө» тахсан олорбут- тар. Сэмэн оскуолаҕа үөрэммит, колхозка илиитинэн араас үлэҕэ үлэлээбит. Быраата Бүөтүр ыалдьан өлбүт.

Семен Васильевич 1942 сыллаахха Федор Николаевич Бурнашевтуун бииргэ ыҥырыллан сэриигэ барбыттар. Дьокуускай куоракка трактористар курстарыгар үөрэнэ сылдьар Аммосов Тимофей Гаврильевиһы көрсүбүттэр. Ити биир дойдулааҕын кытта бүтэһик көрсүһүүтэ эбит. Семен Васильевич госпитальга эмтэнэ сытан тохсунньу 5 күнүгэр 1944 сыллаахха өлбүт. Казань куоракка көмүллүбүт.