АММОСОВ ИННОКЕНТИИ СТЕПАНОВИЧ (1902-1975)

1902 сыллаахха төрөөбүт. Иннокентий Степанович аатырбыт айанньыт. Кини көмүстээх Алдаҥҥа кыһыны быһа көлөнөн таһаҕас таспыт, олус сыралаах сырыылары Моой Үрэххэ

сылдьыбыт.

Аҕа дойду Улуу сэриитигэр 1943 сыллаахха ыҥырыллыбыт. Харьков аттыгар уһуннук сэриилэспит. Манна өстөөх эргииригэр түбэһэн баран, түөрт күннээх түүн утуйбакка да, аһаабакка охсуһан, умайа сытар хонуулары, дэриэбинэлэри туораан өстөөх халыҥ күүһүн көнү көтөн тахсыбыттар.

1943    сыллаахха Курскай Тоҕойугар буолбут сэриигэ кыттыбыт. Орловскай уобалас сиригэр ыараханнык бааһырбыт. Эмтэнэн үтүөрээт, Ленинград анныгар сэриигэ барбыт.

1943 сыл Орловскай уобалас сиригэр Никольскай дэриэбинэ иһин кыргыһыыга Ин- нокентий Степанович адьас аллараанан кырыйа көтө сылдьар өстөөх самолетун бойо- буой винтовканан күүстээх утары уоту аһан, суулларан түһэрэн «Албан Аат» Ш-с степен- нээх орденынан наҕараадаламмыт.

Хаҥас илиитэ суох, ыараханнык бааһыран, бэйэтин кыаммат буолбут хорсун буойуну Дьокуускайга диэри икки байыаннай сиэстэрэ кыһыл оҕолуу көтөҕөн, ыарыылаан аҕалбыттар. Үтүөрэн баран колхоһугар туруу үлэһит буолбут. Кэргэннэнэн элбэх оҕоло- нор. Билигин кини олоҕун сиэннэрэ салгыыллар.

1975 сыллаахха хорсун саллаат сүрэҕэ тэппэт буолбута.