АММОСОВ МИХАИЛ МИХАЙЛОВИЧ (1925-1948)

1925 сыллаахха от ыйыгар Хамыдал сайылыкка төрөөбүт. 1941 сыллаахха Курбуһах 7 кылаастаах оскуолатын бүтэрэн, колхозка үлэһит буолбут. Михаил Михайлович 1943 сыл-

лаахха от ыйын 1 күнүгэр фроҥҥа бэбиэскэ тутан барбыт.

Бастаан Забайкальскай байыаннай уокурук 17-с Армиятын киин байыаннай ыскылаатыгар эшелоннары сэрии сэбинэн хааччыйыыга сулууспалаабыт. Онтон 1947 сылтан 55-с туспа Хинганскай полк Кыһыл знамялаах 1-гы батальонугар сулууспалаан баран, 1948 сыллаахха демобилизацияламмыт.

Михаил Михайлович сэрии кэнниттэн ис дьыала органыгар Дьокуускайга, Уус-Майаҕа, Чурапчыга, Уус-Алдаҥҥа паспортнай остуол начальнигынан, старшай следователинэн, милиция отделын начальнигынан өр сылларга бэриниилээхтик үлэлээбит, оставкаҕа олорор милиция полковнига.

Михаил Михайлович 7 оҕо тапталлаах аҕата, 9 сиэн уонна 2 хос сиэн эһэтэ. Билигин бочуоттаах сынньалаҥҥа олорор.

Наҕараадалара: «Аҕа дойду сэриитин» II- с степеннээх ордена, «Японияны кыайыы иһин», 16 юбилейнай мэтээллэр, Саха Республикатын бочуотунай грамоталара, милиция туйгуна значок, милицияҕа эҥкилэ суох сулууспатын иһин I, II, III степеннээх мэтээллэр.