АММОСОВ НИКОЛАЙ НИКИТИЧ (1898(1905)-1944)

1898 (1905) сыллаахха Энньэкэйгэ төрөөбүт. Үрдүк уҥуохтаах, күүстээх көрүҥнээх, кытаанах характердаах, бары үлэҕэ барытыгар дьоҕурдаах үтүөкэн үлэһит киһи этэ. Кини бастыҥ от оҕустарааччы, тутааччы, үчүгэй мас ууһа уонна маляр.

1940 сыллаахха Бороҕоҥҥо райпромкомбинаты тэрийиигэ «Октябрь» колхозтан талыллан үлэлии киирбит. Биир сыл үлэлээбитин кэннэ сэрии саҕаламмыт. Кини тута, 1941 сыллаахха, фроҥҥа барар бэбиэскэни туппут. Николай Никитич дойдутугар тахсан дьонун-сэргэтин, төрөөбүт сирин-уотун кытта бырастыылаһан барбыт. Арҕааҥҥы фроҥҥа сэриилэһэ сылдьан 1944 сыллаахха өлбүт. Көмүллүбүт сирэ биллибэт.