АММОСОВ ТЕРЕНТИЙ ВАСИЛЬЕВИЧ (1912-1988)

1912 сыллаахха төрөөбүт. Кыра эрдэҕиттэн эбэтигэр Анна Николаевна Аммосоваҕа ии-тиллибит. Уус-Күөлүн оскуолатыгар биэс кылааһы үөрэнэн бүтэрбит. 1935 сыллаахха Курбуһах нэһилиэгин советын депутатынан уонна совет секретарынан быыбарданан үлэлээбит.

1937 сылга Сунтаар шахтатыгар үлэлии сылдьыбыт. 1938 сылтан Дьокуускайга П.А. Ойуунускай аатынан Саха театрыгар артыыһынан үлэлии сылдьан, 1943 сыллаахха армияҕа ыҥырыллан барбыт. Империалистическай Японияны утары сэрии кыттыылааҕа.

1945 сыллаахха дойдутугар эргиллэн кэлбит, театрыгар салгыы үлэлээбит. Кэргэнэ Мария Бурцевалыын 5 кыыс оҕоломмуттар, элбэх сиэннээхтэр, хос сиэннээхтэр.

РСФСР уонна Саха АССР народнай художнига, И.Е.Репин аатынан Государственнай бириэмийэ лауреата, РСФСР искусствотын үтүөлээх үлэһитэ, Аҕа дойду сэриитин кыттыылааҕа Т.В.Аммосов 1988 сыллаахха ыалдьан өлбүт. Көмүс уҥуоҕа төрөөбүт Өлөҥнөөҕүн халдьаайытыгар көмүллэн сытар.