БУРНАШЕВ ЕГОР ПЕТРОВИЧ (1921-1942)

1921 сыллаахха төрөөбүт. Танда оскуолатыгар үөрэнэн 7 кылааһы бүтэрбит. Оҕо эрдэҕиттэн мындыр буолан маһынан да, тимиринэн да үчүгэйдик уһанар дьоҕурдаах, булчут этэ диэн биир саастыылаахтара, кырдьаҕастар, ахталлар.

Күлэ-үөрэ сылдьар, сытыы-хотуу майгылаах, саҥа олоҕу кытта тэҥҥэ сайдыһан испит биир бастыҥ ыччат буолар. Колхоз биир тутаах үлэһитинэн биллэрэ. Ол курдук бас- тыҥ от оҕустарааччы, бурдук быстарааччы. Бэйэтин кыанар, экчиргэ буолан Егор Пет- рович Ааллаах-Үүҥҥэ ат көлөнөн таһаҕас таһыытыгар сылдьыбыт.

Фроҥҥа 1942 сыл балаҕан ыйын 29 күнүгэр ыҥырыллан барбыт. Сэриигэ барыан иннинэ Кытахый сайылыкка, оҕо сылдьан сөтүөлээбит күөлүн аттыгар тииккэ кэриэһин бэлиэ сурук охсон хаалларбыт.

1942 сыллаахха сэриигэ сураҕа суох сүппүтүн туһунан биллэрии кэлбит. Кэргэннэммэккэ сылдьан сэриигэ өлбүт.