ПЕСТРЯКОВ НИКИФОР ЕГОРОВИЧ (1917-1944)

1917 сыллаахха Бүтэйдээххэ Ульяна Михайловна, Егор Иванович Пестряковтар дьиэ-кэргэннэригэр төрөөбүт. Күүстээх-күдэхтээх, хоһуун үлэһит, куруук үөрэ-көтө сылдьар эдэр киһиэтэ. Уус-Күөлүгэр 7 кылааһы бүтэрэн баран Дьокуускайга байыаннай училищеҕа Үөрэммит.

1941 сыллаахха армияҕа ыҥырыллыбыт. 1 Украинскай фронт 685-с противотанковай полк артиллериһынан сэриилэспит. Биир кыргыһыыга пушкатын таһыгар соҕотох хаалбыт. Кинини билиэн ылардыы сананан 20 фашист кимэн киирбит. Бу тэҥэ суох кыргыһыыга хотуулаах тахсыбыт. Көмө кэлээтин кытта салгыы атаакаҕа сүүрбүт. Икки өстөөх пулеметчигын өлөрбүт, икки фашиһы билиэн ылан кэлбит.

Старшай лейтенант званиелаах, командование бойобуой сорудахтарын уһулуччулаахтык толоруу иһин «Хорсунун иһин» мэтээлинэн уонна өлбүтүн кэннэ «Аҕа дойду сэриитин» П-с степеннээх орденынан наҕараадаламмыт.

1944 сыл атырдьах ыйын 1 күнүгэр Польша сирин сэриилэһэ сылдьан геройдуу охтубут. Көмүс уҥуоҕа Польшаҕа Клоппувка дэриэбинэҕэ көмүллэн сытар.