ПУХОВ СЕМЕН МИХАЙЛОВИЧ (1916-1993)
1916 сыллаахха дьадаҥы бааһынай кэргэнигэр төрөөбүт. Аҕата Пухов Михаил Василье-вич эдэр сааһыгар өлбүт. Ийэтэ Варвара Петровна Пухова (Аммосова) 3 оҕолоох тулаайах
хаалбыт. Танда оскуолатыгар 5 кылааһы бүтэрбит. 1935-36 сылларга оройуоҥҥа баар колхо секциятыгар секретардаабыт. Онтон сэрии буолуор диэри «Ньүөкүнү» колхозка суоччугунан, ферма сэбиэдиссэйинэн үлэлээбит.
1941 сылга атырдьах ыйын 11 күнүгэр армияҕа ыҥырыллан сэриигэ аттаммыт. 1941 сыллаахха Иркутскай, Чита куораттарга сулууспалаабыт. 1942 сыллаахха олунньу күнүгэр арҕаа фроҥҥа ыыппыттар. Кулун гутар ыйга Смоленскай куорат таһыгар 11 хонук устата кыырыктаах кыргыһыыга киирэн хорсуннук сэриилэспит. Сыҥааҕар улахан бааһырыыны ылан Калуга куоракка госпитальга эмтэнэн үтүөрбүт. 1942сыл күһүнүгэр Курскай туһаайыытынан баар инники кирбиигэ сэриилэһэр чааска ыытыллыбыт. Манна 1942 сыл күһүнүттэн 1943 сыл муус устар 20 күнүгэр диэри хас да төгүл уоттаах сэриигэ кыттыбыт. 1943 сыл муус устар 20 күнүгэр хаҥас атаҕын уллуҥар уонна хаҥас өггүгэр хас да сиринэн оскуолканан бааһырыыны ылан 3,5 ый устата Львов, Дмитровка, Рязань, Бугуруслан куораттарга госпитальга сытан эмтэммит. Ол кэнниттэн босхолонон дойдутугар 1943 сыл бүтүүтэ төннөн кэлбит. Армияттан кэлэн баран суоччуттар куурстарын бүтэрбит. Суоччутунан, бухгалтерынан, председателинэн «Ньүөкүнү», Буденнай, Булганин ааттарынан, «Победа» колхозтарга үлэлээбит. Биир дойдулааҕын Ховрова Евдокия Ивановнаны кэргэн ылан 2 кыыстаммыттар.
1961-1966 сылларга эргиэн систематыгар атыылааччынан, Суотту сельпотугар пред- седателинэн, 1966 сылтан, үс сыл устата Курбуһах интернат-оскуолатыгар остолобуой сэбиэдиссэйинэн, 1969 сылтан 1976 сылга диэри оройуоннааҕы бытовой комбинакка, Мүрү 8-с кылаастаах оскуолатыгар завхоһунан, 1977-1988 сылларга Сыырдаахха кочегарынан үлэлээбит.
«Германияны кыайыы иһин», «Аҕа дойду сэриитин» 1-гы степеннээх орденынан, «В.И.Ленин төрөөбүтэ 100 сыла туолуутун бэлиэтээн. Килбиэннээх үлэтин иһин» уонна элбэх юбилейнай мэтээллэринэн наҕ раадаламмыт. 1993 сыллаахха ыалдьан өлбүт.