ТРУЛИН ЕГОР КУЗЬМИЧ (1906(1908)-1990)

 1908 сыллаахха төрөөбүт. Төрөппүттэрэ кыаммат дьон буоланнар, уолларын Мэҥэ-Хаҥаласка билэр дьонноругар үлэлэтэ, киһи-хара буол диэн биэрбиттэр. Уол ыалларга үлэлээн айаҕын ииттэн сылдьыбыт. 1932 сыллаахха тэриллибит «СарДаҥа» колхозка сэриигэ барыар диэри от-мас, сүөһү көрүүтүгэр үлэлээбит.

 1942 сыллаахха бэс ыйыгар Чурапчы байыаннай комиссариатынан Кыһыл Армия Кэккэтигэр ыҥырыллыбыт. Арҕааҥҥы фроҥҥа бастаан 585-с стрелковай полкаҕа, онтон 1011-с Илиҥҥи фроҥҥа көһөрбүттэр. Егор Кузьмич «Японияны кыайыы иһин», «Бойобуой үтүөлэрин иһин», «1941-45 сс. Аҕа дойду Улуу сэриитин сылларыгар кил- биэннээх үлэтин иһин» мэтээллэринэн наҕараадаламмыт, И.В.Сталин илии баттаа- һыннаах Махтал суругу туппут.

 Армияттан 1945 сыллаахха кэлээт урукку колхоһугар үлэлээн барбыт. 1958 сыллаахха кэргэннэммит. 1961 сыллаахха Дьокуускай гаһыгар Тулагы бөһүөлэгэр көһөн олохсуй- бут уонна «Дьокуускай» совхозка өр кэм устата бастыҥ ньирэй көрөөччүнэн, бостуугу- нан, заправщигынан, кочегарынан үтүө суобастаахтык үлэлээбит. Бэртээхэй үлэһит, көрсүө-сэмэй саха киһитэ, хорсун сэрииһит 84 сааһыгар ыалдьан олохтон туораабыт.