УШНИЦКАЙ ИВАН МАТВЕЕВИЧ (1910-1943)

1910 сыллаахха төрөөбүт. Аҕата Ушницкай Матвей Васильевич, ийэтэ Ушницкая Софья Егоровна «Ньүөкүнү» колхоз колхозтаахтара. Түөрт кылаас үөрэхтээх, партия чилиэнэ. 1929 сылтан колхозка үлэлээбит. Онтон 1932 сылтан салайар үлэҕэ сылдьыбыт. 1936 сылтан 1942 сылга диэри «Ньүөкүнү» колхоз председателинэн ананан үлэлээбит. 1942 сыл бэс ыйын 22 күнүгэр Чурапчы оройуонун байыаннай комиссариатынан ыҥырыллан сэриигэ барбыт. 1943 сыл сэтинньи ыйга кыргыһыы толоонугар охтубут. Өлбүтүн туһунан биллэриини дьоно 1943 сыллаахха туппуттар. Көмүллүбүт сирэ биллибэт. Кэргэнэ, оҕото суох.