УШНИЦКАЙ НИКОЛАЙ ИННОКЕНТЬЕВИЧ (1900-?)
1900 сыл сааскы Ньукуолун саҕана Ньүөкүнү Мэндиэмэн диэн алааһыгар төрөөбүт. Аҕа-та Иннокентий Аммосович, ийэтэ Окоемова Татьяна Макаровна сүөһүнэн иитиллэн оло-рор орто бааһынай ыал эбит.1931 сыллаахха саҥа тэриллибит «Ньүөкүнү» колхозка чи-лиэнинэн киирэн Николай Иннокентьевич төһүү үлэһит буолбут. Колхозка бастакы стахановецтар кэккэлэригэр киирсибит. Ферма сэбиэдиссэйинэн, биригэдьииринэн, кыладьыапсыгынан үлэлээбит. Бастакы кэргэнэ Кычкина Татьянаттан кыыстаах уол оҕоломмут. Үрэх баһыгар оттуу сылдьан, 1941 сыл атырдьах ыйын 11 күнүгэр, бэбиэскэ тутан Аҕа дойдуну көмүскүү уоттаах сэриигэ аттаммыт. Иркутскай уобалас Мальта станциятыгар 2 ый байыаннай лааҕырга үөрэнэн баран Московскай уобаласка тиийбит. Хоро нэһилиэгин ыччата Бурцев Алексей Кирилловичтыын бииргэ сьлдьыбытгар. Московскай уобаласка сэриилэһэ сырыттаҕына улахан ис-куртах ыарыыта туран 1,5 ый курдук лазарекка сытан эмтэммит. Үтүөрэн тахсаат Калининскай фроҥҥа сэриилэһэ тиийбит.
Фильчинов диэн командирдаах 4-с взводка сулууспалаабыт. Сыыр анныгар турар дэ риэбинэни ылаары сыыры таҥнары атаакалаан киирбитгэр. Биирдии саллаакка 2-лии граната, взвод аайы 9-туу бинтиэпкэ биэрбиттэр. Өстөөхтөр күүстээх сибиниэс арда. ҕынан көрсүбүттэр. Дьон сылбах курдук охтубут. Хаан-сиин, ыһыы-хаһыы, ыар-дьулаан хартыына этэ диэн кырдьаҕас фронтовик долгуйа кэпсиирэ. Көмө кэлэн өстөөх чугуйарга күһэллибит. Ол сэриигэ 800-кэ киһиттэн, 100-кэ эрэ киһи хаалбыт. Бу хапсыһыыга атаҕар улаханнык бааһыран госпитальга эмтэммит. Кыргыһыы кэнниттэн хорсуннук сэриилэспитин иһин «Хорсунун иһин» мэтээлинэн наҕараадаламмыт.
Үтүөрэн баран Арҕааҥҥы фроҥҥа сэриилэһэр. Сэриилэһэ сырыттаҕына снаряд ос- куолката сүрэҕиттэн чугас көхсүгэр түһэр, 8- с ый устата госпиталлары кэрийэн эмтэнэн, П-с группалаах инбэлиит буолар. Дойдутугар Ньүөкүнүгэ 1943 сыл тохсунньу 13 күнүгэр дьоҥҥо арыаллатан, баттыгынан сылдьар киһи эргиллэн кэлэр. Кэлбитэ кэргэнэ, уоллаах кыыһа сут-кураан кэмигэр хоргуйан өлбүттэр.
Доруобуйата арыый да буоларын кытта, ыар кутурҕанын аһараары, колхоз үлэтигэр үтүө суобастаахтык үлэлээн барар. 1945 сыллаахха Ховрова Анастасия Дмитриевнаны кэргэн ылар. Билигин кинини 6 оҕото, 8 сиэнэ аатын ааттаталлар.