БУРНАШЕВ НИКОЛАЙ ВАСИЛЬЕВИЧ (1918-1944)

1918    сыллаахха төрөөбүт. Аҕата Бурнашев Василий Иванович, ийэтэ Бурнашева Мария Михайловна Окойом Күөлүгэр олорбуттар. Ликбезкэ үөрэнэн ааҕар, суруйар буолбут. Колхозка кыладыапсыгынан үлэлээбит. Онтон Мындааба наспотугар атыылааччынан киирбит.

Армияҕа иккитэ ыҥырылла сылдьыбыт. Бастаан 1941 сыллаахха, иккиһин 1942 сыл атырдьах ыйын 20 күнүгэр Чурапчы оройуонун байыаннай комиссариатынан ыҥырыллан фроҥҥа барбыт. 149-с СП сулууспалаабыт.

1944    сыл атырдьах ыйын 26 күнүгэр сэрии толоонугар охтубут. Көмүллүбүт сирэ Монголия Улан-Циринг кылабыыһата.

Бииргэ төрөөбүт балта сэрии кэмигэр трактористаабыт Бурнашева Анастасия Васильевна бочуоттаах сынньалаҥҥа Мындааба бөһүөлэгэр олорор.