ВАСИЛЬЕВ ИЛЬЯ МИХАИЛОВИЧ (1924-1994)

1924    сыллаахха төрөөбүт. Аҕата Васильев Михаил Наумович, ийэтэ Байаҕантай нэһилиэгиттэн төрүттээх Егорова Евдокия Алексеевна диэн бэйэтин бириэмэтигэр биллибит Бөҕө Саабыска бииргэ төрөөбүт балта эбит. Эһэлэрэ Наум ыалга иитиллэн Васильев буолбут, төрдө Копыриннар. Илья Михайлович Курбуһах 7 кылаастаах оскуолатын бүтэрэн баран, сэрии кэмигэр сут буолан от үүммэккэ Нам Таастааҕар көһөн киирэн кыстаабыт. Онно биригэдьииринэн үлэлээбит, онтон Дьокуускайга финансовай техникумҥа үөрэнэ киирбит. Ол үөрэнэ сылдьан армияҕа ыҥырыллан барбыт. Сэриигэ артиллерияҕа наводчигынац сылдьыбыт. Бэйэтин дойдутун босхолоһон баран арҕаа Европа дойдуларын босхолоспут. «Берлиҥҥэ 15 км-нан тиийбэтэҕим, таҥара дьиэлэрин куполларын көрбүтүм»  диэн фронтовик буойун ахтыытыттан ааҕабыт.

Стратегическай суолталаах объегы ылыы иһин кырыктаах кыргыһыыга хорсуннук сэриилэһэн «Албан аат» III степеннээх орденынан наҕараадаламмыт. Бу кыргыһыыга атаҕар бааһыран Прага куорат госпиталыгар эмтэнэн, көнтөс атахтаах дойдутугар эргиллэн кэлбит.

1949 сыллаахха салгыы үөрэнэн үөрэҕин бүтэрбит. Финансист быһыытынан Булуҥҥа, Учурга, Томпоҕо, Намҥа, 1957-61 сылларга Минфиҥҥэ үлэлээбит.

Илья Михайлович эдэркээн сааһыгар Аҕа дойдутун сэрииттэн босхолоон, эйэлээх олоҕу уһансан, толору дьоллоох олоҕу олорон бу орто дойдуттан 1994 сыллаахха 70 сааһын туолан баран арахсыбыт.